牛八和牛燒肉屋 (已結業)

我系个烤肉控，但平时出旺区食𠮶D都要每人$500＋，所以有时都觉得肉赤。见屋企附近开咗间新嘅烤肉放题店价钱 OK, 趁农历新年得闲就去试吓。全店只见有3个侍应，所以当满座嘅时候想揾个人都唔容易 (现时大部份香港餐厅都有嘅问题)。但D侍应，尤其是𠮶两位女侍应嘅服务态度非常好。食烤肉最怕一身油烟味，但呢间餐厅抽气做得好。我有时烧牛舌因为多油搅到好多烟，但烤炉旁边个抽风位明显即时吸走哂D烟，值得一赞。食烤肉好考个食客嘅煮食技巧，餐厅台面上有个牌教你点烧每种肉，好贴心。我当日一个人好早去食晚餐，全店只有两台人餐厅应该唔太忙，我写嘅肉每样亦只系两块，但执餐嘅人咁简单都执错。好肥嘅肉(例如猪颈肉同一口牛)执多D出嚟 (比我 order 嘅多起码一倍)，而且一入座佢又会先比一盘你无 order 嘅肉你 (又系好多肥肉)，唔知系咪专登等你食饱D唔好叫咁多。但我叫嘅某D肉例如猪肉香肠等等又无嚟。呢 part 令人好失望。D肉质素 ok 啦，3百蚊 per head 都唔洗，算交到货。佢执得太多肥肉，我食到尾觉得超越腻，好彩个雪糕几好味 (每人只有一客)，餐饭攞返个尾彩。