影片
更多
2021-04-01
1435 浏览
𠮶日啱啱同爸爸去东区医院覆诊，坐小巴就嚟到呢一间茶楼。因为疫情关系好耐都冇出街啦佢，于是乎我就带佢嚟解一解佢日日饮西茶嘅相思之苦( ´▽` )ﾉ我哋大约一点钟去到，里面咁啱有一张枱，所以我哋唔使等位。坐低就嗌咗四个点心：鲜竹卷、鲜竹牛肉、烧卖同埋鸡扎。完全冇留意到佢哋有特价点心，蚀抵晒🤣。等咗好耐，都有十五分钟，佢哋先至有点心送到。奇奇怪怪咁鲜竹卷上面有啲葱，感觉唔系咁好，起码我就好唔钟意ಠ_ಠ 但系食落去又觉得几赞，因为好足料，热辣辣，明显系啱啱蒸起嘅，枉我等咁耐都抵番晒。一如以往，我唔钟意食牛肉，不过我爸爸喜欢，冇计。从外观上，啲牛肉好细粒，同平时茶楼大大嚿唔同，味道就不过不失。而佢哋嘅烧卖就好有咬口，猪肉同虾肉嘅份量都好平均。但系都系𠮶句，我觉得佢哋嘅烧卖比普通茶楼细粒咗啲。鸡扎反而我觉得有啲惊喜(不过系顶点嚟㗎)。当然啦，佢里面嚿鸡一定系雪藏鸡肉，不过嚿鸡肉好入味，唔系好敷衍我咁是但比嚿冇味嘅肉我就算。件芋头亦蒸得好冧，劲爱。呢间酒楼唯一唔好处就系佢啲碗碟好油腻，要自己洗好多次先洗到。不过呢间系街坊茶楼，唔应该有太多嘅expectation ╮(╯▽╰)╭
因为疫情关系好耐都冇出街啦佢，于是乎我就带佢嚟解一解佢日日饮西茶嘅相思之苦( ´▽` )ﾉ
我哋大约一点钟去到，里面咁啱有一张枱，所以我哋唔使等位。
坐低就嗌咗四个点心：鲜竹卷、鲜竹牛肉、烧卖同埋鸡扎。完全冇留意到佢哋有特价点心，蚀抵晒🤣。
等咗好耐，都有十五分钟，佢哋先至有点心送到。
奇奇怪怪咁鲜竹卷上面有啲葱，感觉唔系咁好，起码我就好唔钟意ಠ_ಠ 但系食落去又觉得几赞，因为好足料，热辣辣，明显系啱啱蒸起嘅，枉我等咁耐都抵番晒。
一如以往，我唔钟意食牛肉，不过我爸爸喜欢，冇计。从外观上，啲牛肉好细粒，同平时茶楼大大嚿唔同，味道就不过不失。
而佢哋嘅烧卖就好有咬口，猪肉同虾肉嘅份量都好平均。但系都系𠮶句，我觉得佢哋嘅烧卖比普通茶楼细粒咗啲。
鸡扎反而我觉得有啲惊喜(不过系顶点嚟㗎)。当然啦，佢里面嚿鸡一定系雪藏鸡肉，不过嚿鸡肉好入味，唔系好敷衍我咁是但比嚿冇味嘅肉我就算。件芋头亦蒸得好冧，劲爱。
呢间酒楼唯一唔好处就系佢啲碗碟好油腻，要自己洗好多次先洗到。不过呢间系街坊茶楼，唔应该有太多嘅expectation ╮(╯▽╰)╭
张贴
