影片
更多
2023-08-13
958 浏览
今次嚟到围方商场里面，美心集团旗下专食北京烤鸭嘅地方，美中、鸭子。餐厅装修好雅致，座位与座位之间有足够嘅空间，唔会坐得太迫。首先嚟嘅系肉粒炒豆角。上菜嘅温度好够热，但略嫌唔够惹味，豆角亦有啲老，整体来讲算系OK。跟住嚟嘅系，香炸黄花鱼。一碟有两条黄花鱼，黄花鱼肉好鲜嫩，皮炸得好香脆，连骨都可以食埋。然后嚟嘅系葱油饼。呢个炸葱油饼系一个好似冬甩嘅圆圈。揸得好酥脆里面嘅葱好香，整体来讲好食。最后嚟嘅系，呢间餐厅主打嘅北京填鸭。填鸭切得几靓，肉还肉，皮还皮，肉没有骨， 皮没有肥。识落口略嫌欠缺鸭味。鸭嘅脆皮里面大多数都系脆嘅，但有几块系唔脆嘅。其实如果间餐厅唔系主打北京填鸭的话，呢度嘅北京填鸭嘅质量都尚算OK。但弊在佢嘅主打系北京填鸭，所以我觉得呢度嘅北京填鸭系未如我所期望嘅。最后讲讲餐厅嘅服务质素。佢上菜系冇分次序嘅，虽然我点咗填鸭先之后先至点其他菜式，但系其他菜式嚟咗先，然后隔咗好耐啲填鸭先来，令到成个用餐体验麻麻。餐厅里面嘅职员虽然数目不少，但好似都好繁忙，好少会理会客人嘅要求。好多时见到啲碟食完都唔会收。刚刚进入餐厅的时候，亦唔会有侍应主动带位。令刚刚攞到飞嘅客人如迷途小羔羊喺餐厅里
餐厅装修好雅致，座位与座位之间有足够嘅空间，唔会坐得太迫。
首先嚟嘅系肉粒炒豆角。上菜嘅温度好够热，但略嫌唔够惹味，豆角亦有啲老，整体来讲算系OK。
跟住嚟嘅系，香炸黄花鱼。一碟有两条黄花鱼，黄花鱼肉好鲜嫩，皮炸得好香脆，连骨都可以食埋。
然后嚟嘅系葱油饼。呢个炸葱油饼系一个好似冬甩嘅圆圈。揸得好酥脆里面嘅葱好香，整体来讲好食。
最后嚟嘅系，呢间餐厅主打嘅北京填鸭。填鸭切得几靓，肉还肉，皮还皮，肉没有骨， 皮没有肥。识落口略嫌欠缺鸭味。鸭嘅脆皮里面大多数都系脆嘅，但有几块系唔脆嘅。其实如果间餐厅唔系主打北京填鸭的话，呢度嘅北京填鸭嘅质量都尚算OK。但弊在佢嘅主打系北京填鸭，所以我觉得呢度嘅北京填鸭系未如我所期望嘅。
最后讲讲餐厅嘅服务质素。佢上菜系冇分次序嘅，虽然我点咗填鸭先之后先至点其他菜式，但系其他菜式嚟咗先，然后隔咗好耐啲填鸭先来，令到成个用餐体验麻麻。
餐厅里面嘅职员虽然数目不少，但好似都好繁忙，好少会理会客人嘅要求。好多时见到啲碟食完都唔会收。
刚刚进入餐厅的时候，亦唔会有侍应主动带位。令刚刚攞到飞嘅客人如迷途小羔羊喺餐厅里面迷惘咁样走动，令成间餐厅有点混乱。
肉粒炒豆角
16 浏览
0 赞好
0 留言
黄花鱼
16 浏览
0 赞好
0 留言
葱油饼
16 浏览
0 赞好
0 留言
北京填鸭
28 浏览
0 赞好
0 留言
张贴
