影片
更多
2015-07-04
6369 浏览
旧年圣诞黎过万豪食自助餐，当时感觉就系食物种类不多，质素不过不失，优点系座位宽敞，但总体性价比不高。沙田区自助餐选择有限，唔想去太远又想食自助餐，见到openrice食评话万豪momo有进步，今次就又黎呢度食。冷盘海鲜有进步，种类多左，多左面包蟹，鲍鱼，泰式生虾刺身，鱿鱼仔，同埋上次都有嘅长脚蟹，螺。面包蟹肉质尚算清甜，比预期的好，但佢嘅膏冇预期的好食，可能因为系冻食，膏有啲干。长脚蟹肉鲜甜，唔会好似某啲自助餐嘅蟹脚咁咸，但比较瘦同细。 鱿鱼仔ok。 有两款螺，但两款都麻麻地，冇味。最好食系鲍鱼同生虾刺身。鲍鱼系普通大连饱货色，煮法类似日式矶煮鲍鱼，有啲甜，肉质弹牙但不会过硬，唔错，食左好多只。泰式生虾刺身，都抵赞。我向来爱食生虾刺身，呢度有真系惊喜，美中不足系调味偏重，调味盖过了虾的鲜味，如果唔加额外调味，我觉得会更好食。生虾刺身只系refill左两三次，过左七点后冇refill过，呢点比较失望。冷盘海鲜仲有一种煮熟嘅鱼冻食，唔知咩鱼，但都ok.(泰式生虾刺身）刺身方面，自助餐必备的三文鱼刺身中规中矩，不会太肥亦不致于过瘦。意想不到嘅系，除左三文鱼，其他冇样刺身我中意。冇吞拿鱼，连白
冷盘海鲜有进步，种类多左，多左面包蟹，鲍鱼，泰式生虾刺身，鱿鱼仔，同埋上次都有嘅长脚蟹，螺。
面包蟹肉质尚算清甜，比预期的好，但佢嘅膏冇预期的好食，可能因为系冻食，膏有啲干。长脚蟹肉鲜甜，唔会好似某啲自助餐嘅蟹脚咁咸，但比较瘦同细。 鱿鱼仔ok。 有两款螺，但两款都麻麻地，冇味。最好食系鲍鱼同生虾刺身。鲍鱼系普通大连饱货色，煮法类似日式矶煮鲍鱼，有啲甜，肉质弹牙但不会过硬，唔错，食左好多只。泰式生虾刺身，都抵赞。我向来爱食生虾刺身，呢度有真系惊喜，美中不足系调味偏重，调味盖过了虾的鲜味，如果唔加额外调味，我觉得会更好食。生虾刺身只系refill左两三次，过左七点后冇refill过，呢点比较失望。冷盘海鲜仲有一种煮熟嘅鱼冻食，唔知咩鱼，但都ok.
(泰式生虾刺身）刺身方面，自助餐必备的三文鱼刺身中规中矩，不会太肥亦不致于过瘦。意想不到嘅系，除左三文鱼，其他冇样刺身我中意。冇吞拿鱼，连白身鱼都冇，只有希灵鱼，日式鲭鱼，八爪鱼呢啲平价货。要左一片八爪鱼试试，一如意料的韧。
寿司嘅饭捏得过实，饭太湿，已经睇唔出饭粒，因为痴埋变左一劈。
到左7点几，经理黎话俾我地知有㓥三文鱼表演（三文鱼生即分俾大家），我啱先食左三文鱼刺身了，冇兴趣再去睇。momo嘅炖汤一如以往的好，唔记得问今次系咩汤，但见有好似系苹果，螺头，猪肉。
我向来爱吃自助餐的各式火腿，呢度嘅火腿质素唔错，可惜冇parma ham（上次有）。沙律款式亦偏少。
（上角黑色𠮶旧系俾得好孤寒的牛肩扒）到热菜了，仲系同上次一样款式不多。冇我最爱的羊架（上次有）。最好食系即切的牛肩扒，有牛味又嫩，算系可以弥补冇羊架的遗憾。但可惜的是，佢俾得好孤寒。佢旧肉由自助餐开始时就得返唔到半旧，每次俾得细细块，我第二次去攞时，佢俾我一块后，我话想要多块，佢竟然切边边𠮶啲烧到老晒嘅肉俾我，而且更加细旧（见下图），四星级酒店自助餐喔，牛肩扒又唔系咩贵到飞起嘅食物，洗唔洗咁孤寒。到左7点，佢旧肉得返边边又老又硬嘅肉，得返好细旧，佢都仲唔攞旧新嘅出黎（其他酒店自助餐早就攞新嘅出黎了），一直摆住𠮶细细旧响度，我当然唔会再去攞，因为啱先试过边边嘅肉好难食。我见到其他食客都冇人再去攞，个个都想等佢攞旧新嘅出黎。我7点半走时，未见佢攞新嘅出黎啰。
（左上角两块黑色的系第二次攞嘅牛肩扒，其中最左边𠮶块系在我要求下俾嘅第二块，佢就俾我好细块，系边边疑似㶶㶶地嘅部分）其余热菜有烧鸭，叉烧，油鸡，牛展，炒牛肉，菠萝骨，超油嘅印式咖哩牛（or 羊？），两款青菜-- 一个似系马拉盏炒菜心，另一个系灼西兰花，炒虾仁，蒸鱼，茄汁螺丝粉，炒饭。 听落系咪全部都系平价食物？冇错就系咁。 但食物质素还可以，我食左烧鸭，油鸡，牛展，炒牛肉，呢啲全部都几好食，炒虾仁比较油，但尚算ok。 蒸鱼比预期好，好多酒店自助餐嘅蒸鱼都好老好鞋，因为条鱼系平价鱼，呢度蒸鱼都有少少滑同少少鱼鲜味，可能条鱼靓啲？
有个铁板烧档，但烧嘅都系平价食物-- 虾，排骨，大大只鸡髀（但你唔会想俾几百蚊黎食鸡髀挂？），试左其中嘅烧排骨（类似美式蜜汁排骨），又硬又干唔好食。仲有啲韩式食品--泡菜炒年糕，豆芽，泡菜，辣罗卜，只可以话系正常。
有个面档，有灼菜，乜丸乜丸𠮶啲，冇仔细睇，冇兴趣。
到甜品，甜品款式算多，除左雪糕，我向来不热衷甜品，所以唔会特别去记甜品名。拣左啲试下，印象比较深刻的有栗子慕斯蛋糕，仲有几款咩咩蛋糕，桂花糕，水果啫哩，全部都几好食，桂花糕有桂花味。甜品全部唔会太甜，啱我。
雪糕H牌，系杯装，只有朱古力，士多啤梨，云呢拿，原先想食云呢拿，但见到隔离有软雪糕，即刻改变主意。H牌成日有得食，反而软雪糕少食，想试下。果然冇失望，软雪糕唔会好似H牌咁甜，中意。可以拣cone的，但我食唔落个cone，所以要左碗装。
恒生信用卡九折后，埋单约500蚊一位，可以从6点食到10点，但屋企人赶住走，我又饱左，所以7点半我地就离开了。总括黎讲，啲野几好食，但种类少，多数系平价野，性价比不高，以后仲黎唔黎都要谂谂。今晚冇坐满，周六夜晚都坐唔满，可见呢间自助餐不热门，其实酒店可以做多啲promo同优惠，增加菜式，某啲菜式真需要refill快啲。
（p.s. 我地嘅位灯光好暗，啲相系是旦影嘅，大家都系将就睇下啦)
张贴
