影片
更多
2022-09-03
72 浏览
见到食评几好，所以嚟试，有期望，但劲失望。收得呢个价钱，环境装修竟然似快餐店，唔怪得之店舖写住未得同意唔俾影相啦。我11:50到，职员第一时间讲我哋开12:00，跟住就开始用「审问」嘅口吻同我讲:你知唔知我哋今日午餐系放火锅放题，唔系套餐，我都好有礼貌答佢，冇问题，然后由得我坐喺lift口， 又唔俾餐牌我睇，而周围只有晚市120分钟餐牌，完全冇午市餐牌，终于到12:00就带我入座，然后俾餐牌我睇，完全冇任何介绍，净系问我要咩汤底同咩餐，我一答完就收番个餐牌，唔会留底俾你睇个餐包啲乜，所以我都唔知会自动上一个牛肉并盘，所以我自己又叫咗牛肉，好彩我叫得唔多。另外，因为我同uncle去食，uncle个样表面都睇得出超过65岁，竟要我uncle主动问有冇长者优惠，先至话有长者价，叫我uncle出示身份证就平$60，自己唔问都唔会话你知有长者优惠。之后我去自助柜攞菜，职员用「指骂」我嘅口吻话我应该用枱上面个大碗攞菜，唔系攞出面啲碗嚟装菜，我心谂你之前乜都冇介绍过，我以为枱上面个兜系食放题用嚟装骨嘅兜。到12:50已经拎张单嚟，13:10就催我埋单先，仲差过食快餐。其实食物质素几好，特别系蚝，唔会
收得呢个价钱，环境装修竟然似快餐店，唔怪得之店舖写住未得同意唔俾影相啦。
我11:50到，职员第一时间讲我哋开12:00，跟住就开始用「审问」嘅口吻同我讲:你知唔知我哋今日午餐系放火锅放题，唔系套餐，我都好有礼貌答佢，冇问题，然后由得我坐喺lift口， 又唔俾餐牌我睇，而周围只有晚市120分钟餐牌，完全冇午市餐牌，终于到12:00就带我入座，然后俾餐牌我睇，完全冇任何介绍，净系问我要咩汤底同咩餐，我一答完就收番个餐牌，唔会留底俾你睇个餐包啲乜，所以我都唔知会自动上一个牛肉并盘，所以我自己又叫咗牛肉，好彩我叫得唔多。
另外，因为我同uncle去食，uncle个样表面都睇得出超过65岁，竟要我uncle主动问有冇长者优惠，先至话有长者价，叫我uncle出示身份证就平$60，自己唔问都唔会话你知有长者优惠。
之后我去自助柜攞菜，职员用「指骂」我嘅口吻话我应该用枱上面个大碗攞菜，唔系攞出面啲碗嚟装菜，我心谂你之前乜都冇介绍过，我以为枱上面个兜系食放题用嚟装骨嘅兜。
到12:50已经拎张单嚟，13:10就催我埋单先，仲差过食快餐。
其实食物质素几好，特别系蚝，唔会缩，但一定唔会再去受气。
张贴
