影片
更多
2024-09-10
2403 浏览
之前同另一半系社交平台见到系皇家太平洋酒店既堤岸推岀左个$358/位既半自助晚餐，包salad bar同desert任食同一个main dish, 如果想free flow饮下佢d house wine就可以加多$138/位，我地见价几抵就胆粗粗试下佢～入到去餐厅环境都好decent整洁，员工服务态度都ok既。salad bar既款式就唔算话好多，但每款味道都几唔错，特别系佢个海鲜莴笋沙律，蟹籽蟹柳青瓜沙律同鸭胸，我地接连都攞左几转，因为都真系几好食🤣 除左沙律之外，佢都有个海鲜忌廉汤，但呢个就好麻麻，冇乜海鲜料，味道亦冇话好浓郁，我地饮左一半都放弃左了～到main course, 我地一个一叫左牛扒一个叫左羊架。个羊架煮得好岀色，真系煮到5成熟，符合我既要求，肉质细嫩多汁，唯一美中不足系我觉得唔够羊臊味😌 但另外件牛扒就认真麻麻，我地同样叫5成熟，但佢就煮到7-8成，有d位直情韧到𡁻唔到，加上佢件牛本身调料调得重左，劲咸，我地真系完全食唔到，所以无奈地退货叫佢煮过过，点知第二次黎都一样系同样质素，我地食左半块就又放弃左。特别一提系呢件牛扒系要额外加多$60，想试既朋友可以悭番呢$60
入到去餐厅环境都好decent整洁，员工服务态度都ok既。salad bar既款式就唔算话好多，但每款味道都几唔错，特别系佢个海鲜莴笋沙律，蟹籽蟹柳青瓜沙律同鸭胸，我地接连都攞左几转，因为都真系几好食🤣
除左沙律之外，佢都有个海鲜忌廉汤，但呢个就好麻麻，冇乜海鲜料，味道亦冇话好浓郁，我地饮左一半都放弃左了～
到main course, 我地一个一叫左牛扒一个叫左羊架。个羊架煮得好岀色，真系煮到5成熟，符合我既要求，肉质细嫩多汁，唯一美中不足系我觉得唔够羊臊味😌 但另外件牛扒就认真麻麻，我地同样叫5成熟，但佢就煮到7-8成，有d位直情韧到𡁻唔到，加上佢件牛本身调料调得重左，劲咸，我地真系完全食唔到，所以无奈地退货叫佢煮过过，点知第二次黎都一样系同样质素，我地食左半块就又放弃左。特别一提系呢件牛扒系要额外加多$60，想试既朋友可以悭番呢$60嘞🙈
最后甜品方面，佢有haagen dazs雪糕任食，仲有我最爱既cookies and cream味，呢个位加分👍🏻👍🏻 佢仲有几款小cake既，但味道就不过不失啦，特别一提系佢个面包布甸，整得好软糯，又唔会话好甜，呢个我都岀去攞左两次🤣最后就系佢个杨枝甘露，本人就觉得佢落得太重椰奶，抢左个芒果味，有点失色🙈
最后我地两个人埋单$776， 人均大约$390，系酒店食semi-buffet黎讲都算平，值得一试
张贴