御八築地 (已結業)

屋企人生日，太多人，吾想響屋企煮咁煩咁逼，就黎左呢間食飯。店內位置都幾少，我地等左差吾多成個鐘先入到，坐得都幾逼。吾理咁多，嗱嗱聲點菜，要左蟹子沙律，火龍卷，刺身，壽司。羊架，雞亦，炒飯，烏冬...先講蟹除沙律，菜同蟹子都超多，一碟都係$52, 大件夾抵食。火龍卷，說穿了就係炸蝦卷上面鋪蟹子，蟹子份量好有誠意，炸蝦又夠脆，值得推介。雞軟骨岩岩炸起就上枱，熱辣辣，正！原本仲想叫辣蟹炒飯，落單先知呢個炒飯吾再出，咁就試下佢個鰻魚炒飯啦，咁就中伏啦，鰻魚量又少，最慘係飯吾夠熱同有腥味壽司就推介特長三文魚壽司同鰻魚壽司，三文魚超大塊，鰻魚又超厚身其他刺身類/熱食既就普普通通，冇咩亮點。埋單計，平均每人112 左右，日本菜黎講都算係抵食。