吉野家 (東廣場)

营业中

休息中

今天工作时间好长 一直到九点几先有时间食饭😵 喺观塘谂唔到食咩好 就喺附近东广场嘅吉野家食过牛肉饭吉野家牛肉饭相信大家都食过 个饭既牛肉都新鲜 不过今次重点想讲嘅系服务态度去到前台 未行到去 前台既哥哥已经以热情亲切既声线 问我今日想食咩呀 🙋🏻‍♂️ 我叫咗餐之后 因为堂食要扫安心出行 我拎到成手嘢 佢走好热心咁样帮我整同扫针卡 之后就同我讲好快就食得架啦 埋去坐下先啦咁 之后我喺食嘢过程 见到佢会同客人倾计 有啲熟客 亦都会亲切就问佢哋系咪食番同一样 无论系顾客同职员佢都好友善 食过咁多间吉野家 我觉得呢间服务态度最好呢个哥哥仔 同其他连锁快餐店嘅点餐机械人唔得 系有笑容有人情味 亲切的服务态度 系可以为餐厅增价值 香港人拖住工作疲累嘅身躯 系食嘢时有好嘅服务态度 实在系繁忙工作中的一点甜❣️ 唔知点解有感触哋写咗出嚟 希望吉野家高层会有机会见到呢篇食评 都可以赞扬下呢位哥哥仔啦😁