Hidden和洋食屋

营业中

休息中

今日經開九龍灣，試咗呢間上樓嘅日式餐廳。地方闊落，環境舒服。有卡位，中間亦有好多大枱。午餐叫咗一個「溫泉蛋牛油果炙燒三文魚丼」同「香蔥醬煎厚切牛舌蓋飯」，前菜包埋麵豉湯同埋中華沙律。飲品叫咗Mocha同埋鹹檸檬雪碧。溫泉蛋牛油果炙燒三文魚丼 $68 - 首先賣相好靚，材料亦都好豐富，溫泉蛋整得啱啱好，牛油果連埋三文魚，仲有車厘茄同粟米。味道好之餘，感覺亦都好健康。👍🏼👍🏼香蔥醬煎厚切牛舌蓋飯 $68 - 勁鍾意食牛舌嘅我哋，無論厚切薄切，都試過唔少。今次過牛舌我可以話超有驚喜，個面煎得好脆，入面好冧，口感好好，加埋啲醬料味道好夾，真心好好食。😋😋誠意推薦比附近返工嘅朋友，位置好近德福廣場，價錢實惠，食物質素高，我去開九龍灣都會再次到訪。