茴香 (已結業)

一个月内第二次去呢间餐厅，餐牌好似keep住转同更新，记得几星期前，沙律吧只系得不同款式嘅菜，今次明显增加咗款式。上次嚟职员耐心介绍餐牌食物，但系今次冇，我见到多咗啲泰式野食，所以冇叫套餐。加上上一次牛扒一般，所以今次试新嘢，叫咗个咖喱软壳蟹薄饼，一直以为系Pizza，黎到先知系印度薄饼𠮶种😂，不过样貌同味道都唔错！ 另外仲有小食拼盘，份量都算大份，大部份都系炸物，味道ok。饮品点了水果茶和咖啡，水果茶冰多到上顶，几啖饮完。上次虽然食物普通，但因为觉得服务好好，好少见到饮食业员工咁主动😂，所以先至再嚟。不过今次明显服务有大大嘅改善空间！d女仔好似未训醒咁，又冇乜反应，免得过都费事叫佢。最好笑系原来有限时，甜品都嚟唔切食，就拎张单埋嚟。 整体食物系好食过上次嘅，款式都增加咗好多。服务同上次经历有太大嘅反差，可能只系我今次唔好彩。