梨滿園韓國料理

营业中

休息中

第一次去科学园，咁啱做完嘢又好耐冇食韩烧放题，见环境不错，座位都阔落，不妨一试。拣咗「顶级任饮任食韩烧放题」$238/位，食物选择好多，净系牛都好多款，随便点咗横膈膜肉、牛板腱、顶级肥牛、新鲜牛肉片、薄切牛舌片，大部分牛味都几重，我特别钟意个新鲜牛肉片，肉质好嫩👍🏻另外海鲜只系随便点咗几样，海虾，生蚝同半壳帆立贝，虽然仲有多款鸡、猪、肠嘅选择，但系想留肚试其他嘢食😜放题仲可选择刺身，试咗三文鱼同吞拿鱼，都唔错几新鲜😋热食就点咗泡菜煎饼，卖相一般但系又几香口几好食㖞👍🏻最后都忍唔住叫埋个大酱汤，汤里面有海鲜，豆腐劲滑，都几正宗😋😋