影片
更多
2018-06-23
685 浏览
见到少爷泰新开张，门面装修都几靓，一于今晚食呢间试新野！由于个个凑热闹，要排队等位，等咗 20分钟。打开餐牌，见到头两页原来系写咗泰文译中文嘅读音，好搞笑，似系玩嘢多啲。餐牌图文并茂介绍得好好，见到价钱其实唔算贵，食物种类非常多，真系唔知点拣好， 样样都想食。 点菜后突然侍应放低一只菠萝仔，以为做乜，原来系夹住点菜单的，系一个小小心思，令你餐饭未食之前已经几开心。 先点饮品， 见隔离枱杯饮品识发光咁得意，我哋又来一杯。泰公主$48 , 有士多啤梨打成像奶昔的饮品，味道唔会似好假嘅药水味，真系有士多啤梨果肉碎，所以价钱贵啲，但系饮完透心凉，喜欢真士多啤梨味的话可选。香茅特饮$28 ,呢个饮品简单而清新，香茅味不算浓，微甜，夏天饮很舒适，加上底部有发光装饰，射上刚骷髅头玻璃杯几靓。新鲜椰青$38 ,椰青水系最稳阵嘅味道，大大个椰青仲可以食埋椰子肉，清甜解渴，消暑一流，食泰国嘢必点。泰式凤爪沙律$72, 都有8只咁多。 喜欢凤爪无骨，食落皮爽口，筋又有弹性，很有嚼劲，连埋泰式沙律一齐食，爽口感觉更丰富，味道酸甜，而辣辣味会比其他泰式餐厅多一点，但好啱我口味。超级特浓冬阴功虾汤粉$108, 选
由于个个凑热闹，要排队等位，等咗 20分钟。
打开餐牌，见到头两页原来系写咗泰文译中文嘅读音，好搞笑，似系玩嘢多啲。
餐牌图文并茂介绍得好好，见到价钱其实唔算贵，食物种类非常多，真系唔知点拣好， 样样都想食。
点菜后突然侍应放低一只菠萝仔，以为做乜，原来系夹住点菜单的，系一个小小心思，令你餐饭未食之前已经几开心。
先点饮品， 见隔离枱杯饮品识发光咁得意，我哋又来一杯。
泰公主$48 , 有士多啤梨打成像奶昔的饮品，味道唔会似好假嘅药水味，真系有士多啤梨果肉碎，所以价钱贵啲，但系饮完透心凉，喜欢真士多啤梨味的话可选。
香茅特饮$28 ,呢个饮品简单而清新，香茅味不算浓，微甜，夏天饮很舒适，加上底部有发光装饰，射上刚骷髅头玻璃杯几靓。
新鲜椰青$38 ,椰青水系最稳阵嘅味道，大大个椰青仲可以食埋椰子肉，清甜解渴，消暑一流，食泰国嘢必点。
泰式凤爪沙律$72, 都有8只咁多。 喜欢凤爪无骨，食落皮爽口，筋又有弹性，很有嚼劲，连埋泰式沙律一齐食，爽口感觉更丰富，味道酸甜，而辣辣味会比其他泰式餐厅多一点，但好啱我口味。
超级特浓冬阴功虾汤粉$108, 选了金边粉。金边粉吸收了特浓冬阴功虾汤的味道，食落非常香，而且又有番茄味酸酸哋，好开胃。辣味不算多，只是微辣而已，香港人一般都食到。虾就不够新鲜，肉质不够爽口，可以再改善虾的质素。然而，汤味煮得非常香浓，整碗汤都饮晒。
唔系炒嘅街头泰北生菜包$72, 菜式名称已经话咗畀你知，佢唔系炒嘅。
唔用炒煮成的猪肉碎，会更加多肉汁，但味道会否不够香呢？原来落咗泰式香料，有 孜然粉、香茅、洋葱等煮成，闻到都够香。由于肉汁超多，包在生菜上面食时，会流汁出来的，要食得小心d唔系滴落身上。生菜够新鲜，包住肉碎，非常有弹性又爽口。超推介！呢个价钱食生菜包唔算贵。
金莎咸蛋软壳蟹米纸卷$78, 卖相好靓，好似一碟艺术品上枱。见到红色的汁，原来是士多啤梨酱，不是茄汁哦。 咸蛋是指另上的咸蛋黄酱，软壳蟹米纸卷点咸蛋黄酱食，食到好香蛋黄味，咸咸地，软壳蟹又脆脆脆地，好香口！再点士多啤梨酱，又增加甜味。连埋里面的蔬菜食，口感很丰富。
招牌菠萝炒饭配大头虾$168, 卖相好靓，我哋未食之前先要攞佢做道具影相 ,一大串菠萝同大头虾，插在菠萝顶，成棵树咁，好有东南亚feel, 即刻好似度假咁开心！
炒饭比较湿身，但系唔系淋晒𠮶种，都ok。菠萝粒粒份量好多，而且仲有提子干增加甜味。猪肉松份量都唔少，整个炒饭用料足，食落好香甜，仲有成串菠萝畀你食，菠萝多汁清甜，大头虾肉质冇海虾咁爽口，不过都够实净，大大只，炸过好香口。
埋单加一$715, 四个人share食咗咁多嘢其实系超饱的，所以呢度食物款式多，啱成班朋友一齐嚟，试多啲特色食品。
张贴
