億饍 (已結業)

晚饭要揾间餐厅同朋友庆祝生日, 但朋友表示唔想食西餐, 所以就随便揾左间食亚洲菜既餐厅。餐厅系弥敦道楼上铺, 近油麻地A出口, 位置来讲都算方便。当日被安排坐电梯口附近, 用餐环境一般。因为大家都唔太肚饿, 所以都唔算叫左好多野食。菠萝炒饭用原个菠萝上, 味道ok。牛油果软壳蟹卷, 串烧同冬荫功都合格。但炒金边粉令人非常失望, 卖相似一般广东炒粉面。如果抱住食泰菜心态食呢间餐厅, 绝对会失望而回。另外值得一提呢度切饼费要$100, 以一般餐厅来讲都算贵, 如果有自备蛋糕的话其实有更好选择。下次有机会再试泰菜以外的其他菜式。