一樂日本料理 (已結業)

之前见到网上有介绍呢间放题有生蚝，有刺身，就同朋友来一试！店内空间都算宽敞，但奇怪星期六繁忙时间竟然都无爆场既情况，后来睇餐牌就明白，因为真系唔系一般放题咁多选择。呢度系要你用WeChat follow咗佢个account之后先可以点餐，其实都几好，环保啲嘛。但食物种类每个category只有几项，最多系刺身有8款左右。刺身都靓仔同埋新鲜既，我地都有encore。生蚝就要专登出去order，每人每次限一只，真系即开既，都算新鲜，唔算好大只但都OK！熟食方面其实都好少选择，不过呢个牛舌串烧真系唔错，我地叫咗几次。呢个蒸蛋既海胆就唔多新鲜了，食咗两啖就放弃。呢个牛筋牛腩好似煮咗好耐咁⋯⋯所以都唔好食。由于生蚝系要另加$48/位，我地每人食咗4只左右，所以其实又唔算好抵。每人埋单$400，放题嚟讲，应该多啲选择会好啲啰。如果可以食到好多生蚝既朋友都可以一试既，因为环境无一般放题餐厅咁迫，会舒服啲。