牛一 (樂道) (已搬遷) 新店位置

夜晚9点半开始食，用餐时间90分钟，有优惠券人头费满350可以减100元。拣左安格斯牛套餐，汤底拣左椰子木瓜鱼汤，汤底味道都ok。安格斯牛肉有牛味，唔会好鞋；猪肉都正常；鸡肉好一般可以唔食。蔬菜都新鲜，其他食物鱼蛋同丸质素ok。自助食物区选择唔多，有一边拎食物既通道好窄，成日要闪避其他人，好唔方便。熟食好似得2款，有咖喱牛同炒饭。甜品机有软雪糕同乳酪，有toppings可以拣。饮品有汽水机，反而雪柜既纸包同罐装饮料选择好少。餐厅话系11点最后落单跟收自助食物，但10点几开始已经唔会再fill食物，10点半已经开始收野，到11点已经收晒食物。变左9半去食，实际可以拎食物既时间只有45min，食得都几赶下。所以食9:30时段既，要把握好拎食物既时间。同埋拣安格斯牛餐既话，落单再叫牛要同侍应讲明要安格斯牛，唔系既话，佢会俾平d既果只澳洲牛你，食落劲鞋口又韧，仲差过普通肥牛。所以如果想食牛，最好拣返安格斯以上既套餐。