影片
更多
2015-08-01
2734 浏览
如无必要，唔会再嚟好早之前见到好多正评，环境好似几有格调几唔错，一直好想嚟食但都无机会。但今次之后......失望。食物其实算唔错，价钱唔算贵，环境装修几有特色，但整体性价比就唔得喇。星期五的晚上，去尖沙咀食饭，预左多人要等位，仲要系H8，一定好多人。7:10pm去到Espuma, walk-in无book位，等左45mins先有得入座，不过因为有櫈可以坐住等，算系咁啦。餐厅内部装潢几特别，但座位太密，人太多。成个环境好嘈，似酒楼。 个人认为如将灯光较暗啲，放番啲音乐，会好好多，有气氛好多。食物质素其实算可以，但餐厅只顾翻枱，想做多几转生意，而牺牲客人用膳质素。成餐饭令我最唔满意嘅系佢地全程都好赶客咁款，由收食物到埋单都系!1. - 碟吞拿鱼，我明明仲点紧个芥末酱，个待应一手伸来攞起只碟想收走，然后先问我仲要唔要! 我仲用紧支叉仲点紧D酱，咁你觉得我仲要唔要丫?2. - 入座时已知道只可以食个半钟。 我同男友两个19:59入座落单，食左一个钟都无，20:51就已经出单, 催我地买单！(原来我地去左食快餐店?? ) 我明明仲有成杯野未饮...咁都算，照埋单，谂住埋完单，饮埋杯野饮都得挂
好早之前见到好多正评，环境好似几有格调几唔错，一直好想嚟食但都无机会。但今次之后......失望。
食物其实算唔错，价钱唔算贵，环境装修几有特色，但整体性价比就唔得喇。
星期五的晚上，去尖沙咀食饭，预左多人要等位，仲要系H8，一定好多人。
7:10pm去到Espuma, walk-in无book位，等左45mins先有得入座，不过因为有櫈可以坐住等，算系咁啦。
餐厅内部装潢几特别，但座位太密，人太多。成个环境好嘈，似酒楼。 个人认为如将灯光较暗啲，放番啲音乐，会好好多，有气氛好多。
食物质素其实算可以，但餐厅只顾翻枱，想做多几转生意，而牺牲客人用膳质素。
成餐饭令我最唔满意嘅系佢地全程都好赶客咁款，由收食物到埋单都系!
1. - 碟吞拿鱼，我明明仲点紧个芥末酱，个待应一手伸来攞起只碟想收走，然后先问我仲要唔要! 我仲用紧支叉仲点紧D酱，咁你觉得我仲要唔要丫?
2. - 入座时已知道只可以食个半钟。 我同男友两个19:59入座落单，食左一个钟都无，20:51就已经出单, 催我地买单！(原来我地去左食快餐店?? ) 我明明仲有成杯野未饮...咁都算，照埋单，谂住埋完单，饮埋杯野饮都得挂? 但个待应竟然好意思走过黎话下一张订枱已经到在，要赶我地走！我卒之忍唔住出声问"究竟平均用膳时间系几耐?"，佢识得答一个半钟， 我再话但我地食左一个钟都无，佢地先同我地讲我地可以坐多阵!
究竟系佢地搞错左, 定有心好地好心急赶客走? 唔知道
讲番食物，我地二人叫左以下几款食物：
黑白芝麻吞拿鱼卷$98冻食嘅。配上个芥末酱，味道几惊喜
西班牙火腿菠菜奄列$62够热，切开有少少蛋汁漏出👍 有少许黑椒味，几得意
但有一部份太熟，口感干左啲
西班牙海鲜饭$128几好，不过份量好细
值得一赞系D虾个虾身去左壳，唔使客人自己整，细心
招牌水果茶$46应该女仔会比较钟意。因为都见到好多女仔点。佢除左有几款生果，仲加左少少兰香子，可以咬咬下。
我觉得味道可以，男友却觉得味道太复杂，唔知咩味。
总括黎讲，食物可以，环境装修可以，服务不不不可以。
用呢个价钱，我深信o系好多其他地方，都可以做到比佢更好。
如想客人唔只光顾你一次，除左食物，服务都好紧要!
张贴
