星月樓

营业中

休息中

一间餐厅即使食物更好，若服务态度恶劣，都唔会想去食。家老系上环分店常客，见荔枝角有分店，就去试试。到达门口，不用等位，我地三个人，佢叫我地坐门口位一张二人枱...好在最后都转番张四人枱俾我地。店员铺完枱派碗碟，碟上竟然有食物渣滓，店员收走只碟，但一直都冇再拎新碟黎。见到咁ge情况，我地紧系再洗啲餐具。洗完，想叫店员帮手拎只大碗俾我地倒水，一位戴眼镜ge店员好大声咁讲「我地系不设倒水服务，啲碗我地全部用热水渌过先俾你地，你地自己去个度倒!」首先，我地唔会知你地有冇渌过啲碗碟，而你地话渌完都仲可以有食物渣滓咁拎过黎食客点有信心! 食物其实唔算差，假日午市套餐$238有三款点心、一款灼菜、粉面饭、小食，份量都唔细，算系抵食。