翡翠拉麵小籠包 (已結業)

呢个系小妹第一次打既食评，希望可以透过呢度同大家一起分享下食过D咩好野，又或者系俾大家对一D较逊色既食物一D警惕。呢餐系同一个好耐无见既好朋友系青衣城一齐共享的，为左就佢，我地去左青衣食，谂左好耐，最后佢决定食呢间，因为佢真系好喜欢食上海野。我一向都麻麻地镇江肴肉，不过朋友话喜欢，就舍命陪君子啦。食落有D"鞋"，连喜欢食希肉既朋友都觉得唔系咁好食。鸡汤拉面，D面好弹牙，我地差唔多饮哂D汤，唔错。都明白依家物价腾贵，如果可以有多D鸡肉就好啦。上菜个阵热腾腾，醮上香滑既炼奶，真系令嗜甜同一向喜欢食银丝卷既我忍不住要再叫多一份！朋友都估唔到我可以食咁多，哈哈！两个大食既人决定叫多个小笼包，都算多汁，收货！大致上食物都还可，不过服务方面就一般啦，店员既态度有待改善，有个阿姐黑口黑面咁。位与位之间既距离可以再多D，因为邻桌有两个小朋友，劲嘈，我地啦啦声食埋就走人。总的来说，呢餐都系为左见下朋友，朋友食得开心，俾钱既我都觉得开心。