美味故事 (已結業)

今日同朋友一齐去旺角道行街，唔想成日食连锁店，所以上网睇吓有冇啲良心嘅好味餐厅食，于是就俾我哋揾到旺角宽成楼依间楼上餐厅😉于是过嚟试吓新野，但系估唔到有意外嘅惊喜，原来咁好食！首先一嚟到餐厅好阔落，而且装修日系文清，周围都系打卡嘅位置，我哋仲选择坐左「他他me」，好有日本嘅感觉🤩嘢食质素都劲高，我哋叫咗一个$428既2人set dinner，酒店级嘅嘢食质素，有齐前菜、主菜、饮品，仲有小食，逐碟逐碟上，情人节过嚟同男女朋友食都一流！😘沙律方面我哋要咗一个柚密寒天海草沙律，另一个要左香橙🍊柚密烟鸭胸沙律🥗沙律味道超级清甜健康，食得出系外国嘅火箭菜😉小食我哋要咗一个醉鸡，另一个三文鱼他他特别推介系醉鸡！肉嘅质地超嫩滑，而且有好香浓嘅酒味，整到超入味😍主菜我哋要咗一个西京烧三文鱼扒，令一个要慢煮美国安格斯西冷两个都劲高质，绝对系酒店级嘅质素！三文鱼好多肉，而且面层烤过，有好香嘅烟熏味慢煮西西更加系我食过最好味嘅西冷！肉质超级嫩，仲有好香嘅牛味，但有keep到内层好多汁🥰嘢饮我哋叫咗一杯朱古力，令一杯热情果，简直系完美嘅一餐！