亞萊泰 (黃大仙中心北館) (已搬遷) 新店位置

难得母亲节，谂住高高兴兴食餐好嘅庆祝吓，点知无高兴仲要扫兴而归，真系唔会有下次。以前都有帮衬过，记得以前味道也不错，无谂到依家咁无得顶，系难食到无得顶！冬荫功稀流流、淡某某，海南鸡鞋烚烚，炒蚬有沙又唔开口，粉丝虾煲无泥味道虾又不新鲜，炒饭、炒贵刁、炒菜叫做放得入口，最好味系个白饭啰！嘢食难食已经好无瘾，职员态度差到不得了，叫亲都系话转头，最离谱系个收银，手脚已经慢，仲要停晒手四万咁口欢送熟客，完全无视我在等侯「拍卡」付款。（因为我需要拍卡，所以要行出去收银柜枱埋单）。佢同事已经打咗单，同佢讲咗客人拍卡，完全无理会，个同事仲提佢话客人等紧你，佢依然无理会！我终于忍唔住开声叫佢快啲，佢唔系讲声唔好意思要你等，系开口反驳我，话自己做紧嘢无十只手、顾唔到咁多嘢㖞！即时火滚，顾唔到咁多嘢又可以停晒手四万咁口不停同熟客讲bye bye？仲要无拿拿林加快处理、停晒手咁不停反驳我佢忙紧，咩料呀，唔系话客人永远是对的，但基本待客之道都无！系咪熟客先招呼？奉劝各位不要贴钱买难受！