拳王泰國餐廳 (已結業)

虽然我食呢间咁既所谓好出名既餐厅已经系上年既事，不过最近谂番又想打出尼分享下我个次对间野非常非常差既印象。唔中意就唔好睇啰，纯粹个人感受，句句属实。上年同一大班亲戚食婆婆既生日饭，十几个人啦。订左枱人多要坐楼上，装修同气氛系几好既，本来对佢期望好高架，但系服务真系未见过咁差啰！！！一开始就比一筒杯我地，连分都懒得帮你分个只。算啦，一斟，哗！做乜啲杯会有阵怪味？！叫佢注意下，换过啲佢就黑起块面，唔想换咪开声啰，巴乜闭姐？野食方面就真系好普通，富泰式风格？唔觉㖞。真系咁多食评写咁咁好味咁正？我完全唔觉啰sor净系记得有一个鱼系比较好啲，可能我地全部都嗌唔中佢煮得好味既野啦，哈。到最后，切蛋糕。叫佢攞啲碟佢就块面黑过黑炭，隔尼啲可能系vvvvvvip啦，系咁啤住我地要催我地走咁。成餐饭都系食得好无奈好不安好激气！！！我真系唔明点解啲人对呢间野评价咁高，难道真系得我咁黑仔遇著佢地集体m come黑起块面？！虽然事隔咁耐，各方面既野唔知有冇改啦，我只系想话比人听我有咁既不愉快经历，可能佢唔欢迎一大班人尼阻佢发达啦。总之，我对呢间野既坏印象一啲都冇减退。对我而言，泰国拳王餐厅绝对系永不录用。唔会再