影片
更多
2022-08-16
558 浏览
今日约咗两个朋友食lunch，佢哋好好，专登就我入嚟屯门揾食，我哋拣咗哩间café，lunch佢有任饮任食menu。最初对于任饮任食嘅餐厅唔敢有太大期望，但最后竟然好有惊喜，食物同埋饮品嘅质素都好高！🏆 明太子卡邦尼扁意粉🍝成日觉得好食嘅卡邦尼意粉好难揾，但哩度嘅质素唔止合格，仲可以话系优异。意粉煮嘅时间控制得啱啱好，做到al dente嘅口感，酱汁加入温泉蛋汁质感更滑，味道更香。中间加入蘑菇同烟肉片口感同味道更添层次。🥇 他他酱虾多士 🦐🍞一口虾多士，细细粒，唔会漏。虾多士炸到好松脆，虾肉弹牙，加上香浓他他酱，真系停唔到口，我哋都encore咗几round。🥈 Sogno全日早餐真材实料，绝无欺场。炒蛋嫩滑，牛油🧈味香。特别钟意佢加入烤菠萝🍍，香甜开胃。蘑菇粒都好香好新鲜。🥉 麻薯窝夫🧇配雪糕卖相吸引，味道可口。窝夫加入麻薯真系叫人难以抗拒，口感烟靭Q弹，加埋朱古力雪糕同蜜糖一齐食真系人生一大享受。饮品我试咗冻mocha同牛油果🥑芝士奶盖沙冰，两杯都好高质。mocha味道好浓郁，咖啡同朱古力味都好香，两者相辅相成，咖啡无酸味，我钟意❤️。牛油果芝士奶盖沙冰都好好饮，沙冰加入芝士奶盖口感
🏆 明太子卡邦尼扁意粉🍝
成日觉得好食嘅卡邦尼意粉好难揾，但哩度嘅质素唔止合格，仲可以话系优异。意粉煮嘅时间控制得啱啱好，做到al dente嘅口感，酱汁加入温泉蛋汁质感更滑，味道更香。中间加入蘑菇同烟肉片口感同味道更添层次。
🥇 他他酱虾多士 🦐🍞
一口虾多士，细细粒，唔会漏。虾多士炸到好松脆，虾肉弹牙，加上香浓他他酱，真系停唔到口，我哋都encore咗几round。
🥈 Sogno全日早餐
真材实料，绝无欺场。炒蛋嫩滑，牛油🧈味香。特别钟意佢加入烤菠萝🍍，香甜开胃。蘑菇粒都好香好新鲜。
🥉 麻薯窝夫🧇配雪糕
卖相吸引，味道可口。窝夫加入麻薯真系叫人难以抗拒，口感烟靭Q弹，加埋朱古力雪糕同蜜糖一齐食真系人生一大享受。
饮品我试咗冻mocha同牛油果🥑芝士奶盖沙冰，两杯都好高质。mocha味道好浓郁，咖啡同朱古力味都好香，两者相辅相成，咖啡无酸味，我钟意❤️。牛油果芝士奶盖沙冰都好好饮，沙冰加入芝士奶盖口感好细滑，味道香甜，中间散发住阵阵嘅牛油果味，正！
真心高质，CP值高，埋单每人$178！揾日一定要带我老公嚟！
张贴
