八屋 (已結業)

呢间餐厅细细，但系食物选择多，有酒精/无酒精饮品都有，样样都有水准😍首先系炸鸡拼盘，有3款炸鸡。炸鸡真系炸到好香脆，一口咬落去好juicy，好多层次嘅口感同香气，yummy😋然后系炸软壳蟹配蟹肉蟹籽忌廉意大利面，软壳蟹炸得好香脆，再加上蟹籽忌廉嘅浓郁滋味，同意大利面嘅结合，真系一绝。甜品叫咗法式吐司配有蓝莓🫐、士多啤梨🍓等水果，面包软绵绵，加上香浓嘅蜜糖及肉桂味，好好味。饮品方面，焙茶白玉有焙茶嘅香浓味道，配上烟靭嘅白玉，口感不错。另一杯拣咗蓝柑橘柠檬汽泡水，呢杯饮品有蓝柑橘同柠檬嘅清新味道，加上汽泡水嘅气泡感，好解渴同开胃。