富都軒

营业中

休息中

同同事去上兴趣班之前知道喺尖东附近开咗呢一间酒楼，就相约同事嚟食个午餐。订咗位中午1:30都系属于午餐时分。喺点心纸上面都写明咗早茶午茶同埋下午茶嘅新开张折扣优惠。早茶同下午茶系八折中午茶系九折。咁就开始点样食，但系食完之后埋单竟然午茶系冇折扣优惠，跟住走嘅时候出到去䢂口，佢用过「福」字嘅公仔黐住喺海报上午时𠮶度。如果星期六中午冇优惠，应该印清楚啲宣传单张同埋入座之前同客人讲，但系完全冇提过就觉得唔太清晰。讲返食物先，价钱属于中上，食物质素嚟讲都系值呢个价嘅。叉烧包个底系脆，咬落个包就好软腍腍。芋泥凤尾虾几有诚意原只大虾有虾味，卖相亦都好好。韭菜饺、萝卜酥同埋小笼包个皮都做得好薄，馅料亦都丰富。饺皮脆、酥皮松化小笼包爆汁。嗌佢啲卤水嘢嚟试吓个卤水汁得唔得不过有几样嘢都卖晒所以最后净系嗌咗猪手。个卤水汁底做得几好有层次，卤得都几入味。不过最钟意都系佢个鲜竹卷用罗宋汤底你浸住，啲牛尾粒超爱。稍为失色少少就系个甜品，个红豆双皮奶比较淡，而个杏仁茶都清咗少少，唔系好够味。事次为自费用餐。