廚十三老壇酸菜魚 (太子集團中心) (已結業)

天气越嚟越冻，突然间好想食辣嘢，于是朋友就带我去食酸菜鱼。呢间餐厅除咗酸菜鱼之外，仲有好多款不同嘅菜式，真系花多眼乱。最后我哋点咗藤椒鱼，原来二人份个份量已经好大，呢个鱼唔算好辣，但比较麻，食落去好香，层次好丰富，忍唔住就咁样饮咗好几啖汤。鱼肉嫩滑，完全冇骨，满口都是滋味，再加配咗米线，米线完全吸收晒汤嘅味道，好出色！宫保鸡丁味道好正宗，调味刚刚好，带酸带甜，好开胃！鱼香肉丝份量亦都好大，所有食材切法都好平均，口感好丰富，个酱汁食到停唔到口，送饭一流！饮品方面正常，一路饮一路解腻，而且座位舒适，店员服务亦好贴心，成个用餐体验好好