.TAPS (已結業)

西贡旧墟嘅 .TAPS 系西日式 cafe，帮衬当日，全店得一个人做嘢，睇佢超级忙碌，心谂 order 咗嘢都应该要等一段长时间，又估唔到上菜速度唔算太慢，哥哥认真犀利👍。我拣嘅系蟹肉荞麦面伴流心蛋青瓜及海藻配冷面汁，所有食物最好食系青瓜，其实我一向唔钟意食青瓜，因为觉得有朕怪味，不过呢度嘅青瓜就非常非常清甜😋，入口爽脆，完全颠覆咗我对青瓜嘅坏印象；其次，流心蛋都好正，流质嘅蛋黄蛋味好浓。其他食材就正常水准，不过两条蟹棒就略嫌好似雪耐咗少少咁，较淡口，冇咩蟹味。呢个 set 真系好精致，精致到我食完搭车出市区，唔够两个钟，要再揾嘢食😂。