四寶食堂

营业中

休息中

同朋友去铜锣湾整指甲，临走突然倾盆大雨，刚刚行到谢斐道一间餐厅门口，朋友话咁大雨行唔到，不如入去食埋晚餐先走。四宝食堂装潢简洁，座位舒适。是间港式茶餐厅。晚餐包括：餐汤十伴菜两款十主食十饮品餐汤系忌廉蘑菇汤：蘑菇汤口感creamy,仲有一片片嘅蘑菇，好足料。百里香蒜香橄榄油烤春鸡：烤鸡色泽均匀，皮脆肉滑，又香又juicy,点些特制酱汁甚惹味。伴菜择咗薯仔沙律和炸薯条，沙律酱酸酸甜甜的味道好开胃，薯条香脆可口。雪山红豆冰：红豆软腍又不失口感，加上鲜忌廉，更香滑。葱油猪扒饭：猪扒好大件，咬落啖啖肉又够香，表面铺满葱油，令味道更佳。再加上一只半熟蛋，蛋汁伴饭美味极了。朱古力雪山：甘醇朱古力混上香滑嘅忌廉，浓郁顺滑。西多士：西多士用咗两块白面包，厚度适中，夹层内有花生酱，炸至金黄色，再加上一大片牛油同糖浆，滋味无穷。冻奶茶：茶味浓郁、口感滑顺。