老二花廳 (已結業)

今日专登同朋友黎到哩间复古怀旧Cafe。餐厅装修复古带玩味，墙壁有啲搞鬼既壁画，四周放左唔少80年代既玩意，充斥住岁月既痕迹，非常适合打卡📸️餐牌上面有小食、主食同甜品可以选择，重点系Cafe既食物质素真系几高，每样食物都好食！🍗老二烤春鸡 $128每日限量供应，烤春鸡外皮烤得香脆惹味，内里既鸡肉嫩滑多汁，配有酥脆既薯角同沙律菜，用黎点薯角既黑松露忌廉酱都好好味。🍝明太子蟹籽意大利粉 $118意粉酱汁creamy浓稠，每一条都均匀沾上酱汁，意粉上亦有唔少蟹肉同蟹籽，明太子味道突出，好食推介👍🏻🍯蜜糖牛油鸡翼（四只） $48鸡翼已经开半，非常易食，香脆既鸡翼表面涂上蜜糖，另外放左一大旧牛油系上面，可以自己控制份量。鸡翼咬落去肉质细嫩，充满蜜糖同牛油香，亦系好食推介👍🏻🍵京都宇治抹茶豆腐拿铁（冷） $55抹茶味香浓，但味道唔会苦涩，底层仲有一大旧豆腐，记得搅匀先好饮，豆腐搅匀后细细粒，饮落口感更丰富。🍫特浓朱古力（冷） $48朱古力味浓郁，但系唔会太甜，上面仲有一大旧cream同棉花糖。整体黎讲，餐厅环境好有特色，可以影到好多靓相，而且每一样食物都非常好食，绝对值得推介，亦系值得回访既餐厅。