Diff. Cafe (已結業)

系荃湾广场附近又揾到一间野食好味，可以打卡嘅Cafe喇。去到等左5分钟就有位可以安排到，店员服务态度亦都好好👍。Set Lunch- 是日沙律呢一款沙律酱味道酸酸甜甜，而且沙律菜亦够爽脆，食完会令我肚仔好有满足感，一啲都无吝啬啲菜比客人呀～- 韩式泡菜猪肉长通粉配温泉蛋 $88泡菜同猪肉嘅份量均匀，辣度对我黎讲亦都啱啱好，再将面头嘅温泉蛋蛋汁捞埋系长通粉，中和翻泡菜嘅辣度，更有饱腹感- 士多啤梨🍓奶昔香浓嘅士多啤梨🍓奶昔简直正中我口味，颜色靓又可以解渴。