一燒窰 (已結業)

呢间小店差唔多每个月都会去一次，因为食物烹调用心。虽然地方细细，但都坐得舒服，店员细心有礼。头两次去到等位都要超过1个钟，所以都放弃咗。之后早少少6点半左右去到，就每次都唔洗等位入座。每次去到，店内装饰都有D唔同  由于疫情关系，四人枱都会有块隔板，我地两个人就会坐同一边。食物系即煮，无咁快，先嚟饮品。必食推介有 松露烧蚝。之前试过四式烧蚝，四款里面食过之后觉得黑松露最钟意食，所以今次四只都点黑松露口味。啱啱烧出来，热辣辣，好多汁。鹅肝多士 亦都系每次必食。入口即溶，多士好脆。原条鳗鱼定食，配有面鼓汤同螺肉小食，份量都算大，我地两个人Share，鳗鱼好厚肉，鳗鱼汁都好浓郁，呢个都系每次必食。另外点咗芝士焗薯蓉、蒜蓉焗野菌、烧鸡中翼、烟肉露荀卷、芝士明太子玉子烧，每样食物水准都唔错，几好食。唯独烧鸡中翼比较干，唔太推介。