肯德基家鄉雞 (KFC)

营业中

休息中

今日早上来呢度食早餐，因为出左个薯饼烤卷。点知就卖哂，个收银就建议我食个肉松烤卷，但我又唔想食。所以就食左个炒蛋早餐，配鸡扒同松饼。我太大意啦，我唔诀得个鸡扒要走汁，佢倒完我先醒起。我同佢讲唔好意思，佢又同我讲番对唔住啊，系我自已唔记得，佢又何罪之有呢？呢个收银既态度唔错，收银服务既态度同银座比，呢间好好多。鸡扒走左汁系好食，又唔会太咸。更唔会因为汁令到鸡扒淋哂。炒蛋普通啦，我觉得有鞋口，而且蛋味唔多够。蕃茄通粉同大记既无得比，个汤底好淡。但唔知点解，个汤会有几多既蛋丝，不过都无乜野既。松饼呢个系我最爱，今次又几好食。个饼甜甜地又脆卜卜，蜜糖又搽得好匀。呢个系今餐最好食，亦系我最期待既。冻奶茶都唔错喔。虽然食物就麻麻，但服务令我留下深刻既印象。笑脸实有既。