影片
更多
2016-08-13
2079 浏览
今日又再去黄大仙办事，之后想医肚就上网揾下有乜好介绍，见好多人有介绍呢间四川菜馆 (但其实不少人介绍佢地整嘅上海菜) ， 而我又对老菜馆嘅厨艺特别有兴趣， 所以就决定走去试试。去到饭店见到内外装修同店具都几有历史味道， 而店内外都贴满了大大张菜式图片引人垂涎三尺， 感觉味道应该不错！！ 因为我去到已经系大约傍晚六点尾左右，以为差不多系食晚饭时间，又见好似系属于黄大仙几有人气老饭店， 我仲惊会好多人去食，要等位。 反之，入去见人影不多， 十多张中小型台只取得三四席客人。 可能系晚市关系， 明明有多张四人细台可用， 但职员仍然强烈要求入来嘅小组客人与其他人一同在八人台拼坐， 而小弟只系一个人用膳， 所以我也被安排已有两小组客人嘅中台上拼坐。由于今次得我一人去试食，唔想有太多剩菜，所以只选择一道小食同主食~~见到餐牌写上招牌菜有"担担面"， 而我又系爱吃面之人，此食自然成为我主食嘅选择喇。另外，小食我就拣咗"素烤夫"~正当我向职员下单之际， 职员问我要唔要将"招牌担担面" 升级为 "改良担担面", 多好多肉碎，好食D! 我见升级都系比"招牌担担面"贵$10 蚊， 要试就试好D喇， 因此我同
去到饭店见到内外装修同店具都几有历史味道， 而店内外都贴满了大大张菜式图片引人垂涎三尺， 感觉味道应该不错！！
因为我去到已经系大约傍晚六点尾左右，以为差不多系食晚饭时间，又见好似系属于黄大仙几有人气老饭店， 我仲惊会好多人去食，要等位。 反之，入去见人影不多， 十多张中小型台只取得三四席客人。 可能系晚市关系， 明明有多张四人细台可用， 但职员仍然强烈要求入来嘅小组客人与其他人一同在八人台拼坐， 而小弟只系一个人用膳， 所以我也被安排已有两小组客人嘅中台上拼坐。
由于今次得我一人去试食，唔想有太多剩菜，所以只选择一道小食同主食~~见到餐牌写上招牌菜有"担担面"， 而我又系爱吃面之人，此食自然成为我主食嘅选择喇。
另外，小食我就拣咗"素烤夫"~
正当我向职员下单之际， 职员问我要唔要将"招牌担担面" 升级为 "改良担担面", 多好多肉碎，好食D! 我见升级都系比"招牌担担面"贵$10 蚊， 要试就试好D喇， 因此我同意升级。
说到老饭店， 餐具上多少都残留咗唔少用过嘅历史痕迹， 所以佢地都一早准备咗一个大碗俾客人自己洗完餐具后自行倒水落去。问题就系由于台上无茶壶或热水壶俾客人去冲洗， 只有坐下时职员才放上嘅一杯茶水可用， 用后我请职员(给我帐单牌时顺便问佢) 帮我添水。第一次问， 个职员敷衍回答我一声 "哦" 就算， 我谂住佢之后会来添水。一等， 5分钟过后都无人来， 之后我第二次问， 另一个职员来， 我话5分钟前请咗你哋其中一位姐姐职员帮我添水， 不过都无咗去向， 麻烦你帮我添好嘛？ 佢就回应我： "唉呀，咁呀？ 好好好， 你等等~~" 。再等多几分钟， 我个小食 "素烤夫" 都上菜， 可惜一杯简单嘅茶水却再一次俾职员淡淡忽略。最后我再问多一次， 第三次时职员见有其他人都问茶水，所以先有职员安排一细壶茶放下俾人分享。。。。滴汗！
讲返食物吧。。。先讲讲 "素烤夫"
素烤夫
$38
38 浏览
0 赞好
0 留言
素烤夫
$38
30 浏览
0 赞好
0 留言
1. 味道偏甜
我上海朋友话此道菜要甜先比较好吃，所以如果不太喜欢食太甜就要留意；
2. 烤夫偏硬
烤夫属于面筋的一种，由高蛋白质小麦筋粉经过长时间发酵再于以蒸熟的产品。所以如果泡浸时间足够， 我估应该可以更有口感， 而唔似依家咁好似食紧煲汤肉咁；
3. 云耳口感蛮不错， 几弹牙！
主食喇 ---- "改良担担面" 到~~~
改良担担面
$38
39 浏览
0 赞好
0 留言
改良担担面
$38
65 浏览
0 赞好
0 留言
1. 汤底看似看浓，实为偏淡。
只能食出辣油味同少量花生味， 可能系D辣油味太浓，盖过咗传统担担面内应有嘅芝麻酱同蒜蓉味，没有想像中嘅传统味道！
2. 面条细滑， 但过淋。
我个人觉得比一般面口感度偏熟， 喜欢食爽口嘅人可能有D失望， 相反， 口感比较适合老年人食用。
3. 肉碎口感一般。
肉碎份量正常，没有职员讲话比"招牌担担面"嘅肉碎量多好多。 除非，"招牌担担面" 里面系不含肉碎， 咁我个人就觉得这样比较下， "改良担担面"真系有多好多"肉碎"啰~
个人觉得整体食物味道好一般，没有网上食评讲到咁吸引， 味道有如一般大型连锁餐饮店， 唔太突出。相反服务态度就真系要多加留意同改善， 不能单单因为有历史嘅吸引力下就能够无视服务态度， 点讲饮食都系服务业之一。 好似同台有一小组客人咁， 三人但只有两人先来， 第三位系大约十分钟后到。 佢地人齐后想转坐一步之隔嘅四人细台， (明明就好多吉台无人坐) ， 但职员都阻难， 多翻口角下先成功转台， 之后我仲听到我背后嘅职员细细说声 "咁麻烦，坐咗就唔好转来转去喇！"
哇~~客人我坐系佢前面佢都可以照讲其他客人不是。 加上又唔忙， 唔系太多客人 (我走时7点半多，入坐率都系得2~3成) ， 我都唔明点解添水都要再三追问先可以做，服务态度真系够差。就算佢哋厨艺一流，但服务态度咁可怕， 我谂应该无人想咁受气去用膳吧。 再说我个人觉得佢哋厨艺真系好一般， 我谂唔到有什么原因再去一试。
除非老板只系想服务黄大仙本区附近嘅人或者系熟客食就算， 唔想更多区外人去试食，否则就真系要多多向有开心之称嘅大型连锁餐饮店学习下佢哋嘅服务态度， 真系好有礼貌！
张贴
