海南少爺 (已結業)

同老公今日食個晏飯，2點門口仲有人排隊，不過等咗一陣就有位。用QR Code 落單好方便，原來餐廳仲有海景view。午市套餐都有幾多選擇。海南雞飯拼椰香海鮮喇沙午市套餐$120+$8轉雞脾雞脾滑嘅，好鍾意個點雞黑豉油好好味，油飯完全唔油膩，最難得連菜心都好甜，個套餐份量仲唔細👍椰香海鮮喇沙配料多，個喇沙湯好得，飲哂😋炒貴刁午市套餐$88粉好滑，配料都係唔少，炒得超有鑊氣，推薦必食💯喺尖沙咀食物咁有質素，仲要呢個價錢，算係超值。