Moreish & Malt (美國萬通大廈) (已結業)

老板会亲手帮手serve客人，亦会不时问客人满唔满意食物，感觉到老板都好重视客人意见，亦好亲切会同顾客倾几句。另外餐厅唔太多人，环境好舒服好chill非常适合同朋友倾计，慢慢食都冇问题，食完一客野食之后店员就会即刻清走再上下一道菜，而且杯水饮净一半店员就会帮手添，非常细心！食物方面，今次试左肉碎nachos,呢个价钱嚟讲非常大碟亦好襟食，但同时又好开胃好正！肉碎亦好入味同啲nachos好夹！跟住系个个都话好食嘅蟹子阔条面，首先卖相十分美观，亦有小鲜花摆盘好吸引。味道当然亦不错，阔条面属于弹牙但又唔太硬，酱汁亦有相当份量，食起上黎一啲都唔干，配料亦好足份量，相当满意！最后系豆腐cheesecake同两杯mocktail! Cheesecake果然十分重豆味，一入口啲豆香就出晒黎，而且口感creamy又唔太腻，作为饭后甜品刚刚好，摆盘亦超靓好啱打卡。Mocktail就叫左sunset同hawaii 个人比较中意sunset比较fresh啲，而且喺你饮之前店员会帮你烧一烧杯到嘅rosemary增加香味，系好精致嘅一杯饮品！