影片
更多
2010-07-08
25 浏览
每逢一d特别日子,我都会同honey食餐好野,今年生日我决定食餐浪漫法国菜, 所以就系openrice度揾左好耐, 决定试下呢间得奖名店- Agnes b系IFC嘅餐厅喇!环境:一入到餐厅, 所有waiter, waitress都会好nice咁welcome你, first impression唔错. 装修就系一般嘅中上西餐厅隔局, 有梳化位同靠墙嘅座位, 同埋有个好细嘅海景view,但系最唔好嘅就系台与台之间嘅距离太窄喇, 你完全听到隔离台嘅对话内容(同样地, 你讲嘅野, 隔离台都会好清楚听到啦!) 所以真系有d失望, 我觉得唔系咁啱情侣黎谈心+fine dining, d 位太近喇!食物:我之前谂住会有set选择, 原来系无架, 由于我honey系一个完全唔钟意睇menu嘅人, 惟有由我发板啦! 我拣左:1) 汤: Daily Soup系露笋汤(HK$65): 味道一般, 同普通西餐厅无乜分别; 另外我拣左厨师推介嘅忌廉蟹汤creamy crab bisque(HK$98)俾我honey, 我honey话d蟹味有d假,好似味精整出黎d好鲜甜嘅味, 我都饮左一啖, 都同意honey
环境:
一入到餐厅, 所有waiter, waitress都会好nice咁welcome你, first impression唔错. 装修就系一般嘅中上西餐厅隔局, 有梳化位同靠墙嘅座位, 同埋有个好细嘅海景view,但系最唔好嘅就系台与台之间嘅距离太窄喇, 你完全听到隔离台嘅对话内容(同样地, 你讲嘅野, 隔离台都会好清楚听到啦!) 所以真系有d失望, 我觉得唔系咁啱情侣黎谈心+fine dining, d 位太近喇!
食物:
我之前谂住会有set选择, 原来系无架, 由于我honey系一个完全唔钟意睇menu嘅人, 惟有由我发板啦! 我拣左:
1) 汤: Daily Soup系露笋汤(HK$65): 味道一般, 同普通西餐厅无乜分别; 另外我拣左厨师推介嘅忌廉蟹汤creamy crab bisque(HK$98)俾我honey, 我honey话d蟹味有d假,好似味精整出黎d好鲜甜嘅味, 我都饮左一啖, 都同意honey嘅comment...
2)前菜: 小青口Mussels 200g [白酒忌廉汁] (HK$150): 呢青口好细只, 比手指甲大少少, 食个阵都几麻烦, 一定要用手黎整开只青口先食到, 不过, d 青口好鲜甜, 同埋个白酒忌廉sauce真系好好味, 我都"饮"左好多, 呢个要俾个good呀!
3) 主菜: 肉眼扒Rib Eye 280g (HK$388): 我系牛痴一名, 当然要拣番我最爱嘅牛菜式啦!问左个waiter嘅意见, 佢推介肉眼扒, 所以我就信佢, 拣左个280g 嘅份量, 个肉眼扒都几好食, juicy同埋都有浓郁嘅牛味,不过, 最唔好嘅系个肉眼整得太熟喇, 我要求五成熟, 佢整左成七成熟俾我呀!以一间中高档餐厅黎讲, 呢个错系唔可以接受啰! 仲要成四旧水, 真系有d唔值呀!之后, 有个好似manager嘅人黎问我地意见, 我同佢讲个肉眼煮得太熟, 佢净系俾左个有少少sorry嘅表情我, 唉!
4) 主菜: 杂菌炒扁意大利面Ratatouille Linguini (HK$150): 意粉嘅质感系al dente嘅, 而配菜就系一般嘅黄椒, 红椒, 同埋几款菌类, 不过, 唔知点解, d意粉同配菜加埋个蕃茄茸sauce好似完全唔夹咁, 食到你唔想食加无心机, 到最后都食唔晒...
5)饮品: 同大多数嘅贵价餐厅一样, 水系要另外叫架, 有sparkling(有汽)同still(无汽)嘅矿泉水俾你拣, 我地要左无汽嘅Jouvence (still), 盛惠HK$68; 另外, 当晚我想饮酒, 但系honey就唔想饮, 所以我就问waiter有咩推介, 我个人比较钟意较fruity嘅红酒, 咁个waiter就介绍左Clos du Roca嘅红酒俾我, (HK$75/glass), 味道都OK!
6) 甜品: 最后, 紧系少不了嘅生日蛋糕啦! 我honey知道我钟意食拿破仑饼, 佢一早订左. 我都好期待呀, 因为Agnes b甜品都好出名, 谂住之前有d 菜式唔好食, 食甜品可以拉番高d分, 同埋有个完满d嘅dinner啦!估唔到个甜品系最令人失望嘅! 个蛋糕系4寸嘅rasperry 拿破仑饼(HK$180),仲要成差唔多两旧水. 但系个蛋糕系同一般嘅拿破仑饼好唔同, 只有有三块酥皮,中间夹满红莓同custard, 但系d酥皮一d都唔crispy, 我切左一下都"抆"唔番把刀出黎呀, 而且d红莓好酸,同酥皮d味道都唔match, 我同honey食左两啖都唔想食, 但系又唔想咁浪费, 所以就打包左半个走, 返屋企先再处置!
总括黎讲, 呢餐系我近几年食过最失望同唔好味嘅生日饭呀! 贵之余加超级唔开心,环境同服务真系好一般. 我地食左总共$1,300蚊, 以咁嘅价钱, 我宁愿去Ruth Chris 或者金钟酒店d 西餐厅食好过呀!
张贴