影片
更多
2013-04-07
31 浏览
要一班刚刚被公司派大信封,共事十多年的同事饭叙. 除左要选一个适合大颗人叙餐的场地,不会背对背坐,有谈话空间,还要有无限的食物供应,食物价钱要中价. 同事要求要吃日式放题, 但在8时半后才到, 一般的日式料理都只是供应至10时左右(last order)...我在openrice search 到Bubbles, 看到网友的食评虽然只有6个, 但全部都偏向好的. 另外有网友提供了室内环境照片及评语, 以上种种条件都合适, 所以我便决定去订位. 星期三下午我打电话book 星期五10位, Bubbles 同事通知我因为6位以上要落订,之后就whatsapp左个accounts 比我. 虽然这个交deposit的方法非常方便, 但其实我都比较保守,有谂过安全问题...不过500蚊je. 无咪无啰! 星期四下午我就去入左500蚊订,原本话左用bank slip whatsapp番比佢到证, 怎知道柜员机无纸 ...Bubbles 同事很用心帮我check 番过数资料, 之后还reply我确实收到了 ! 当晚9位巳经准时到达,还有一位要加班9点半先到. 不过我地9位已经不急及待叫刺身, 寿司
我在openrice search 到Bubbles, 看到网友的食评虽然只有6个, 但全部都偏向好的. 另外有网友提供了室内环境照片及评语, 以上种种条件都合适, 所以我便决定去订位.
星期三下午
我打电话book 星期五10位, Bubbles 同事通知我因为6位以上要落订,之后就whatsapp左个accounts 比我. 虽然这个交deposit的方法非常方便, 但其实我都比较保守,有谂过安全问题...不过500蚊je. 无咪无啰!
星期四下午
我就去入左500蚊订,原本话左用bank slip whatsapp番比佢到证, 怎知道柜员机无纸 ...Bubbles 同事很用心帮我check 番过数资料, 之后还reply我确实收到了 !
当晚
9位巳经准时到达,还有一位要加班9点半先到. 不过我地9位已经不急及待叫刺身, 寿司,手卷...
刺身: 真系件件都厚切, 绝不马父, 而且味道新鲜! 值得一赞既系甜虾, 三文鱼, 荣螺 .叫左几round 啦.
寿司及手卷 : 舖得满满的军舰寿司, 真的值回票价, 手卷软壳蟹好味 !
天妇罗 : 热腾腾甘又香又脆, 炸虾一流
串烧 : 个冬菇, 肾, 鸡软骨, 安格斯牛, 牛舌用盐烧好入味
料理 : 炒杂菜, 牛油炒野菌 一黎就清袋
顺便要食埋腐皮乌冬, 枝豆呢的一边倾计一边咬既小食必备
其实Bubbles 系有一个优惠, 只要二人同行就可以用$10 蚊叫一只龙虾, 可以生吃or 芝士焗. 我地10个人(最后一位系上左龙虾无耐都到啦) 叫晒芝士焗, 只龙虾有籽仲要啖啖肉架 !!!
去到差唔多大家都饱之际, 原来系有无限汽水供应架 , 虽然我地好迟先知, 不过都叫得切. 有可乐,雪瑭, 芬达, zero, 仲有我至爱既cream soda ~~
最后埋单前仲会有甜品雪糕每人一杯, 口味有vanilla, sesame 同埋red bean 添 ~ 真系饱到无朋友
题外话/补充资料：
Bubbles 开左店大约两个月左右
总结 :
服务 - 真系几好, 跟进得快有heart 既, 值得一赞 !
食物 - 质素系中上, 不马父, 全部即叫即整, 热辣辣上
等候时间 - 大约要等10分钟至15分钟左右, 不过即叫即整是可以接受的, 而且没有限时
室内环境 - 每枱之间空间感足, 楼底高, 其实似入左cafe 多过似日式料理店
厕所卫生 - 我本身有洁癖的, 一个字"掂" !!!
漏单情况 - 我们漏过一次单, 不过一次我是可以接受的.
点单食物数量 - 我地10个人, 件件刺身都点好多, 但出菜没有马父, 我地点左40件甜虾, 真系成坐山甘黎...sorry Bubbles 甘多位~
希望改善 :
1. 食物种类追加
2. 追加甜品餐纸
3. 追加饮品餐纸 及 快点拿到酒牌 (有啤酒送枝豆简直一流)
4. 漏单情况 - 一般日式放题大病
(以上食记乃用户个人意见 , 并不代表OpenRice之观点。)
张贴
