嘉豐點心專門店

营业中

休息中

有晚同老婆行九龙城，食得太多泰国菜都想食清淡d，去到启德道就见到呢间有生滚粥食，就入去试下，入到去人不算多，于是坐落一张由两张二人枱拼埋既四人枱坐下，有个黑口黑面既阿姐就话有人既话就要拉返开变二人枱架啦，我话ok，点左个及第粥，皮蛋瘦肉粥，一笼鸡札，一笼牛柏叶，想递纸揾人收order，叫左五次，冇人有反应，明明听到望到但唔理，因为几个伙记为左安排一枱三人客坐边而讨论中，所以一心不能二用，明白，但连唔好意思请等等都唔讲句，态度奇差。粥都未来，黑口黑面阿姐粒声唔出过黎拉开两张二人枱，我心谂有人黎呢咩？洗唔洗甘呀。粥来了，我个人觉得皮蛋瘦比及第好食，而且及第冇猪腰。问阿姐攞胡椒粉，又系讲左五声唔该，要由细声讲到火先有人应，呢次真系唔知咩原因。食到最尾，皮蛋瘦入面竟然附送洗碗网绵之铁线，叫黑口黑面姐过黎睇下，点知佢只系黑口黑面地讲句：帮你取消佢啰。搞错，一句道歉，对唔住唔好意思真系甘难？总结，食物ok，态度奇差，唔会再帮衬。