飲茶 (已結業)

和屋企人去试，我已book了位，去到见屋企人站在门口位置等候，原来一直没有人理佢哋，咁我就走入去求其向一个侍应讲我book 咗位啦，点知个侍应口黑面黑掘雷槌咁指住门口话同出面𠮶个讲，行到出去都无人，跟住有个喺度对住部电脑落单，完全听唔到我讲嘢咁，终于有个人埋嚟问系唔系book咗位，然后先安排我哋入座。到落单啦，叫经过𠮶个侍应，点知黑口黑面行过，跟住等多一阵，见另一个侍应行过先帮我哋落单。食到一半叫人斟水啦，个侍应攞咗个水壶后无回头啰，终于隔咗好耐先叫到另一个开过壶茶俾我哋。最搞笑叫人埋单，个侍应走嚟掉低张单乜都无讲就行咗去，我对完单系咁揸住张咭都无人理我，系我屋企人话好似见到人哋自己出去埋，完全无谂过咁嘅价钱仲加一服务费，系要自己出去埋单啰，咁我唯有攞张单出去埋啦，又无指示㖞，行到去门口先有人话收银喺另一边，行到过去原来喺两个厨房之间啰，个收银完全无理我，自己喺度唔知搞乜，搞咗一阵先帮我碌咭，点知又按错银码，又要void单再碌过，真系唔系饱到顶心口，系兴到顶心口呀，一定一定一定唔会再嚟呀！