高木炭火鳥燒 (已結業)

星期五晚上订左位，唔洗等。本身坐Bar台好迫，女职员话９点交到台就俾张大台我地坐，感觉员工都几Nice。食物方面Ok，个牛舌好味，够爽口。烧露荀，幼果只，一客两串，每串有两折半条既露荀．．．即系一客有两条咁多！朋友话，哩个价钱，买到一Pack廿几三十条啦！咁又唔系咁计既，人地都要赚钱，只不过三十蚊食两条幼幼露荀又真系贵左Ｄ。鸡翼就普通，个白鳝都麻麻，切得太薄身。到埋单，两个人千一蚊，其实朋友仲未饱。我地见openrice写HSBC卡有九折就用HSBC卡俾钱，但张单冇显示个discount出黎，就问下职员啦。埋单个男职员话唔清楚，好似唔系张张卡有。佢走去问个女职员，女职员话暂时未有，算数走人。离开左之后朋友越谂越唔对路，上埋HSBC个网check都系话有九折，食左千几蚊，九折都悭返成百几蚊架嘛，就返转头再问女职员。佢开头话，冇呀，张卡未落黎。其实我唔知佢讲咩，咩叫张卡未落黎，又唔解释清楚。然后几秒钟后佢又话，唉算啦做埋你啦。哗我真系多谢哂你咁好心呀，讲到我黎Ｒ你个折咁！咁样真系好唔老实啰！其实你唔想俾优惠既，你咪叫HSBC同openrice拎返走哩个Offer啰。客人唔知有优惠而你唔出声