武吉士 (九龍貿易中心)

营业中

休息中

今晚收工嘅时候约咗同事喺kcc呢边倾嘢，之前买过呢间嘅外卖，OK，唔差，今次就决定堂食！叫左2个主餐，跟饮品，再叫多个小食。大排档咖哩猪扒，份量都唔少，猪扒都唔柴，咖哩食落都够香浓，薯仔都入味，整体嚟讲都唔差。青咖哩鸡饭，鸡肉外层有煎香，里面都算嫩，同青咖哩好夹，青咖哩食落去比较丝滑，同黄咖哩个口感都好唔同。海南酥炸猪扒，外面炸得好酥脆，上台前已经切好一长块，方便同朋友一起分食，配迷个沙拉酱，口感又有少少似沙拉骨几特别。食左呢餐，晚餐又解决了。