School Food (已結業)

年近岁晚，沙田新城市无想像中咁迫人。晚上7点左右揾餐厅食饭预左要等，今次见呢间门口多人，但店内又有位，咪谂住拎飞，应该都好快，但原来餐厅系入客好慢的。终于等到，忍唔住问其实佢hold起d位系咪因为有人订左(其实知一定无)，藉此反映小小意见因为比人感觉唔好，好似特登hold住令到出面人好多咁。终于入到去，幸好食物补番数。叫了炸鸡，虾卷，黑松露意粉年糕同脆脆八爪鱼饭，点多两杯野饮。本身我食唔到辣，但今晚所点除左八爪鱼饭全部餐牌都有只辣椒仔，以为肯定辣爆，点知唔辣播炸鸡juicy 好食，黑松露意粉ok, 年糕就略嫌大旧，食到糕中间无味。虾卷份量都多，有4只虾，八爪鱼脆脆饭都几好食。野饮方面，叫左士多啤利乳酸同西柚梳打，都唔错。梳打用量杯上，几得意。如果入客快点，会食得更开心。