民華餐廳

营业中

休息中

住附近，平时都时不时帮衬，通常都食常餐，都觉得食物唔错（除左次次都话冇岀前一丁），但系冷气实在太冻，所以好多时都系快快趣趣食完就走。今日又去，都系食常餐，又谂住搏下睇下有冇岀前一丁啦，点知又真系都系冇，咁我就叫意粉啦，最正既系个侍应话：「我地系冇岀前一丁同意粉既，得米粉同面既姐」我即刻o哂嘴，心谂咁根据商品说明条例我系咪可以告你呀？最后我当然屈服左叫左米粉😅今次我去果阵唔系太多人，所以啲野食都黎得几快同齐。衰就衰在我细佬今日感冒，而个冷气又好鬼冻，所以佢真系顶唔顺想叫个侍应闩细少少个冷气，点知佢只系讲左句「唔该」，个侍应就即刻讲「唔好意思」，除左个呀姐识读心之外我谂唔到其他理由。咁佢「唔好意思」完之后就继续同另一个侍应吹水啦，所以佢除左识读心之外应该仲识得遥控冷气既。不过今日个冷气好似唔太听佢话，咁我细佬唯有再叫多次啦，因为我细佬第二次叫既时候都有少少燥，咁个侍应都终于有行过去收银处果边，跟住转个头返黎话系中央冷气冇得闩🙄跟住轮到我爸爸燥喇，话哂佢都系做冷气既，而家个呀姐走黎话中央冷气冇得闩，所以佢就揾经理黎啦，个经理一听即刻走左去铺头既另一边（唔系收银处果边）去闩细左个冷气既风，咁本