翠園

营业中

休息中

一點鐘午飯時間，一行三人去將軍澳翠園飲茶，出乎意料等五分鐘就有枱。坐低即刻寫紙叫點心，唔駛5分鐘就有得食，上菜速度算快。第一味先上焗菠蘿义燒包，大家太餓一上菜食晒冇影相。一咸一甜，味道配合得好，如果熱d應該仲好味。跟住上蘿蔔糕同燒腩仔，燒腩仔皮脆肉嫩，又唔太肥膩，正！個特價蘿蔔糕就好一般。最後上炸雲吞同义腸。雲吞皮炸得唔錯，如果餡料多d就好。腸粉皮夠滑，唔錯。點心唔駛30分鐘上齊，好有效率，午飯時間黎講對上班一族黎講好緊要。抵讚！最可惜係食晒d點心時發現個蝦餃仲未黎，問職員先知漏咗單，冇時間等唯有放棄了。另外埋單時個職員木口木面，之前黎過幾次飲茶同晚飯都未試過咁，令今餐最尾留低個唔係幾好既印象。三個人240埋單，價錢唔貴又唔平。希望下次黎服務有改善，如果唔係要轉場了。