影片
更多
2010-02-06
31 浏览
因为朋友钟恴食糖朝既甜品, 所以就去咗果度食晚饭+糖水.我哋首先叫咗碗艇仔粥, 招牌鲜虾云吞捞面同埋罗汉斋肠粉. D食物大约20分钟就到齐, 速度都算快. 艇仔粥煮得好绵, 粥味好香, 好似阿妈响屋企煮果种味道, 唔错, 之后试吓肠粉, 肠粉好滑, 只系略嫌D馅料少咗D, 要减分. 再试埋果招牌鲜虾云吞捞面, 云吞入面D虾好大只好足料, 可惜D面好唔掂, 淋完汤都仲系好鬼硬, 仲要系有劲大阵碱水味, 街边大排档煮得仲好过佢!!食完饭抖咗一阵, 我哋就叫糖水. 朋友叫咗杏仁豆花糖水加汤丸, 我就叫咗碗热红豆沙! 大约10分左右, 豆花糖水就送上; 但系我果碗红豆沙竟然等左成45分钟(以糖朝所print之电脑单所显示时间来计算). 我哋问咗3-4个侍应生, 佢哋只系答覆"整紧架啦", 我话: 落咗单差唔多成个钟架啦㖞!!! 但系佢哋答完整紧之后都无去CHECK ORDER/追单, 求其应酬吓客人就算! 之后呢碗"千呼万唤"既红豆沙到啦, 要整咁耐, 我仲以为有块千年果皮响入面潻呀, 但望落其实都只系碗普通红豆沙!!! 呢个时候个侍应走埋嚟劲负气话: 边有成个钟呀! 我答佢话: 阿大婶, 4
我哋首先叫咗碗艇仔粥, 招牌鲜虾云吞捞面同埋罗汉斋肠粉. D食物大约20分钟就到齐, 速度都算快. 艇仔粥煮得好绵, 粥味好香, 好似阿妈响屋企煮果种味道, 唔错, 之后试吓肠粉, 肠粉好滑, 只系略嫌D馅料少咗D, 要减分. 再试埋果招牌鲜虾云吞捞面, 云吞入面D虾好大只好足料, 可惜D面好唔掂, 淋完汤都仲系好鬼硬, 仲要系有劲大阵碱水味, 街边大排档煮得仲好过佢!!
食完饭抖咗一阵, 我哋就叫糖水. 朋友叫咗杏仁豆花糖水加汤丸, 我就叫咗碗热红豆沙! 大约10分左右, 豆花糖水就送上; 但系我果碗红豆沙竟然等左成45分钟(以糖朝所print之电脑单所显示时间来计算). 我哋问咗3-4个侍应生, 佢哋只系答覆"整紧架啦", 我话: 落咗单差唔多成个钟架啦㖞!!! 但系佢哋答完整紧之后都无去CHECK ORDER/追单, 求其应酬吓客人就算! 之后呢碗"千呼万唤"既红豆沙到啦, 要整咁耐, 我仲以为有块千年果皮响入面潻呀, 但望落其实都只系碗普通红豆沙!!! 呢个时候个侍应走埋嚟劲负气话: 边有成个钟呀! 我答佢话: 阿大婶, 45分钟唔系差唔多成个钟咩? 一碗普通既红豆沙有咩理由要等45分钟先上到呀? 我朋友果碗豆花加埋汤丸都只系用10分钟就上咗啦!!
其实帮我哋落单(食品+糖水)都系同一个阿姐, 个阿姐差度真系好差, 一嚟就扔底张落单纸话: 叫咩自己写! 再以后叫糖水时, 无晒ORDER纸, 于时挥手落单, 又系个阿姐埋嚟, 再次扔底张落单纸讲番果堆嘢, 佢未讲完我个FD话: 得啦, 食咩自己写呀吗! 落完单, 同佢讲明我哋系要热既糖水, 点知佢又嚟料话: 个餐牌上面写到明系热既呢就即系热. 佢即系讲紧废话! 我哋就系唔想佢落错单先重申一次, 点知佢竟然答得咁爆!
仲有个爆笑位, 就系个阿姐( 点解又系同一个阿姐我答唔出, 总之个阿姐成日响我哋呢几张枱附近陪回啦) 佢埋嚟收我哋d碗碟, 之但系我碗粥仲有好几啖(7-8啖)先食完, 点知佢竟然捧住成堆碗碟唔行开, 系要收埋我手上只碗先肯走. 我真系好嬲, 佢唔可以迟D先再嚟收架咩? 我又无URGE佢收碗! 响火嚟既情况下, 好, 我就慢慢食, 要佢等下先啰! 结果我食咗成大半分钟先至俾只碗佢, 虽然我咁做好似有d衰, 之但系佢真系态度奇差, 我要出奇制胜 虽然我咁做好似有d衰, 之但系佢真系态度奇差, 我要出奇制胜先掂!
问我有无下次, 有既, 但一定会要求唔要果个阿姐落单啰!
张贴