金樂煲仔小菜坊

营业中

休息中

去土瓜湾探朋友，朋友话佢喺公司经常外卖都系叫呢间餐厅，话好食同抵食，所以今日特登去试一下，睇下佢系咪真系甘抵食。呢间店开喺大街度好容易揾到。以餐厅嚟讲佢嘅餐单选择都算几多， 有好几张唔同嘅menu。 有特色炒粉面饭啦，有好多种唔同既小菜同埋煲仔饭。斋睇menu，佢嘅价钱的确比出面其他餐厅平少少。当时我哋系夜晚去食，每人50零蚊食到一餐饭算系抵食嘅。我哋分别叫做一个鱼香茄子煲同埋沙拉猪扒。沙拉猪扒：呢个沙拉猪扒几得意，用甜酸酱去炒个猪扒 ，再系上面淋咗啲沙拉酱，令到成个猪扒好juicy。而且因为酸酸地所以食落去唔会有 油腻嘅感觉。鱼香茄子煲：鱼香茄子煲个份量都几大，成个煲都放满晒茄子。可惜嘅系佢啲咸鱼，仲系一旧旧，唔系炒得好均匀。间唔中会食到成旧嘅咸鱼，但总体嚟讲个味道都ok嘅。整体嚟讲每人夜晚55蚊到就食到一个晚餐，而且都饱肚，都ok嘅，都抵食。去得茶餐厅本身就唔会预期会有好好嘅服务。