東后齋 (已結業)

全条东大街只有一间斋舖，所以想食斋，基本上无得拣。小妹下午茶时份到达；间舖好细，啲枱排得好密，门口仲有棵大型植物、同木餐牌阻住，感觉上有啲唔舒服。舖头内约有三分一客人，只有一张双人枱，而且已经有客人坐低咗；但佢哋竟要小妹搭枱。一个人唔可以坐四人枱吗？又唔系繁忙时间？茶就要问两次至有，其他枱嘅情况都一样。坐喺对面嘅小姐要咗个豆腐花，待应送上桂花糖；但客人问佢系乜嘢？佢竟然唔识答。本来想食小笼包，但待应话小笼包做唔到下午茶；其实如果唔系佢讲，小妹根本就唔知有下午茶，因为店内并无推介。结果点咗萝卜糕、同黑松露饺；萝卜糕一般，黑松露饺就好香、唔错。