影片
更多
2016-01-04
800 浏览
味道OK，但员工服务态度极恶劣、机械式工作，一定唔使旨意我再嚟！话说平时甚少入元朗，咁啱呢日要入去，就预先上网揾吓元朗有乜食，见到呢间好多好评，就决定打电话去订枱。打电话去佢问几号几位，我答佢26号2个人。佢答：「3位呀？」咁我以为佢听错就话「唔系呀2个」佢又唔应我我又讲多次，之后先发现佢原来唔系同紧我讲嘢，因为听到佢讲：「等等先我听埋个电话。」呢吓已经愕咗然，明明就系你问我日子人数，我即刻答你你转头竟然唔系听紧电话又唔同我讲声先……呢单嘢其实我原本都得啖笑，因为谂住香港地做生意系咁上下服务质素，而且最尾都订好咗，咁就算。但去到现场食完先知原来呢单嘢系恶梦嘅开始！我订咗7点，佢话要8点半交枱，我话无问题。当日18:05。早咗到，6点松啲就到咗，去到我同朋友话2个，有个中年女人问我哋有无订枱，我话原本订咗7点但早咗到，我见佢哋全间舖得2个人啱啱坐低咗食嘢，谂住应该都可以俾我哋坐挂。佢话：「咁你7点半交枱啦！」我朋友话：「咦？之前又话8点半嘅？」佢睇咗本簿一睇，就话：「算啦！」之后劲不屑嘅态度，望都唔望我哋，指我哋埋去一张枱坐低。老实讲，一个正常人食个饭其实你食得几慢都好，30分钟都应该食
味道OK，但员工服务态度极恶劣、机械式工作，一定唔使旨意我再嚟！话说平时甚少入元朗，咁啱呢日要入去，就预先上网揾吓元朗有乜食，见到呢间好多好评，就决定打电话去订枱。打电话去佢问几号几位，我答佢26号2个人。佢答：「3位呀？」咁我以为佢听错就话「唔系呀2个」佢又唔应我我又讲多次，之后先发现佢原来唔系同紧我讲嘢，因为听到佢讲：「等等先我听埋个电话。」呢吓已经愕咗然，明明就系你问我日子人数，我即刻答你你转头竟然唔系听紧电话又唔同我讲声先……呢单嘢其实我原本都得啖笑，因为谂住香港地做生意系咁上下服务质素，而且最尾都订好咗，咁就算。但去到现场食完先知原来呢单嘢系恶梦嘅开始！
我订咗7点，佢话要8点半交枱，我话无问题。
当日18:05。早咗到，6点松啲就到咗，去到我同朋友话2个，有个中年女人问我哋有无订枱，我话原本订咗7点但早咗到，我见佢哋全间舖得2个人啱啱坐低咗食嘢，谂住应该都可以俾我哋坐挂。佢话：「咁你7点半交枱啦！」我朋友话：「咦？之前又话8点半嘅？」佢睇咗本簿一睇，就话：「算啦！」之后劲不屑嘅态度，望都唔望我哋，指我哋埋去一张枱坐低。
老实讲，一个正常人食个饭其实你食得几慢都好，30分钟都应该食完食晒，但我订到枱即系你19:00-20:30已经留咗张枱俾我哋，咁系咪而家我哋早到咗，就要我哋提早离开，等你19:30-20:30呢短短一个钟留返一个walk-in客，叫碟炒粉食完走人？难道我贪你张櫈好坐要专登坐多一个钟？而事实观察，我哋坐到19:35先埋单，佢间店系多咗人，但未至于话爆到要等位，应该系话我无见到出面有人等，而我哋隔离张枱都一直系空嘅。
18:15我哋叫嘢食。见到呢个网写推介「生虾」，咁咪问吓佢menu边度有。中年女人(同上)就答我哋话menu无嘅，要唔要？好彩我朋友醒目，问佢几钱，佢话$198，啲虾好大只有4、5只。我哋无叫因为一嚟觉得太贵，二嚟因为我哋都唔钟意大虾刺身，怕有筋。后尾上嚟再睇人哋comment再睇图，好彩无叫，因为睇相见到只系大只过普通虾少少嘅size。
最后我哋叫咗５样嘢：泰式凤爪沙律、煎虾饼、斑兰咖喱鸡、薄饼、白饭。其中薄饼同咖喱鸡系几好食嘅。
18:30嘢食陆续上。中途见到个中女不停以命令式指点啲细嘅去落单、送菜……
18:40我哋啲嘢食到齐亦到食咗一半，就问个中女「我哋仲有个白饭叫咗。」佢答：「嚟紧架啦。」咁于是我哋就无理会。
18:50我哋食晒咁滞，食净少少咖喱鸡，谂住留返啲鸡同咖喱汁嚟捞个白饭食。咁啱有个年轻女侍应嚟收嘢，佢每收一碟都问一句：「仲要唔要？」咁我哋都话唔要净系要留个咖喱，然后同佢讲：「仲差个白饭未到。」佢「喔」咗声收嘢走人。
19:05白饭都仲未到，啲风就越吹越大（因为系露天），真系咖喱汁都冻晒我哋就食风。我哋无催佢哋因为佢间嘢又唔系大，我一直深信系厨房做唔切。我哋两个就各自各玩手机等。
19:20个中年女人走嚟问：「系咪差个白饭？」我朋友已经有啲火答咗佢一句：「系。」之后唔够１分钟个女人就拎咗碗白饭出嚟，乜都无讲放低咗就算，然后我同朋友一食个饭，竟然只系微暖……即系唔系啱啱煮起啦，顶！
19:30听到后面𠮶枱情侣叫咗个串烧之后先发现系辣嘅，就问个中年女人可唔可以转其他因为唔食得辣，个女人即刻答：「唔得，因为已经煮咗！」就走人。
19:35我哋埋单走人，我朋友想签卡，个女人就话要满３００蚊先签得。点知返到嚟睇comment见到其他人竟然话个女人够４００蚊先签得，咁其实即系连签卡个限额都系海鲜价可以随心意浮动？
我明白做生意紧要，忙得嚟真系唔可以照顾每一个客人，但食饭唔系贴钱买难受啰！两个人食３００蚊嘢，但你间舖又唔系抵食夹大件，味道又唔一流，俾我嘅服务态度又系连茶餐厅、大排档都不如嘅时候，我真系睇吓你做得几耐啰！
张贴
