影片
更多
2019-03-12
61 浏览
朋友转左工，庆祝新工之余，又拣返间近佢既餐厅，就喺观塘选了这间西餐厅。虽然位于工厦，但入口喺观塘道，邻近地铁站，门口一大段路都系唔同既巴士去唔同地区，所以大家都好方便。餐厅装修简单得来几舒服，而且唔会好迫，倾计好啱。有时食饭相聚都系想大家倾下计，所以空间都紧要。我地见set dinner都多野，所以就四个人叫两个set再加小食，再加个pasta。好多餐厅既set dinner系配汤或沙律，但呢间系两样都有，好丰富，因为两个set，我地拣左两款沙律(柚子醋三文鱼田园沙律、无花果黑醋汁巴马火腿田园沙律)，两款酱汁配沙律都好夹，特别一赞无花果黑醋汁，好味！餐汤唔系一般红白汤，而系烟肉椰菜花汤，味道几特别，仲有蒜蓉包。叫set可以用优惠价钱加配一啲野食，所以我地两样都加左(法式芝士烟肉焗蚝、黑松露蜜糖鸡翼)，我觉得焗蚝都足料，但相比鸡翼，对我既吸引力系冇咁劲既，哈哈。黑松露蜜糖鸡翼，蜜糖味较重，但都有黑松露味！Main Course系BBQ汁烧原条西班牙黑毛猪猪肋骨同埋黑松露带子野菌意大利饭，Ribs系超大条，仲有薯条垫底，两个人share食都会饱。个ribs一切开都觉得烧得好淋，啲肉离骨，又
餐厅装修简单得来几舒服，而且唔会好迫，倾计好啱。有时食饭相聚都系想大家倾下计，所以空间都紧要。
我地见set dinner都多野，所以就四个人叫两个set再加小食，再加个pasta。
好多餐厅既set dinner系配汤或沙律，但呢间系两样都有，好丰富，因为两个set，我地拣左两款沙律(柚子醋三文鱼田园沙律、无花果黑醋汁巴马火腿田园沙律)，两款酱汁配沙律都好夹，特别一赞无花果黑醋汁，好味！餐汤唔系一般红白汤，而系烟肉椰菜花汤，味道几特别，仲有蒜蓉包。
叫set可以用优惠价钱加配一啲野食，所以我地两样都加左(法式芝士烟肉焗蚝、黑松露蜜糖鸡翼)，我觉得焗蚝都足料，但相比鸡翼，对我既吸引力系冇咁劲既，哈哈。黑松露蜜糖鸡翼，蜜糖味较重，但都有黑松露味！
Main Course系BBQ汁烧原条西班牙黑毛猪猪肋骨同埋黑松露带子野菌意大利饭，Ribs系超大条，仲有薯条垫底，两个人share食都会饱。个ribs一切开都觉得烧得好淋，啲肉离骨，又唔会太un，喜欢！黑松露带子野菌意大利饭都好不错，有时好怕啲意大利饭会硬，然后”银”胃，但呢个饭冇呢个问题！几好。
另外我地仲叫左个柏施图汁荷兰大啡菇宽条面，本身见到个汁，以为系「柏拉图」，哈哈，不过都因为咁令到我地印象深刻，加上想食大啡菇，就叫左。上到枱，发觉个宽条面系绿色既，就会谂到菠菜面，食落有啲蒜味同埋橄榄油，可能呢个就系柏施图汁，都唔错既。平时既大啡菇系好大个既，今次佢就切左条，唔洗切就方便啲。
野饮我地叫左一个可乐，佢另配既杯会有埋柠檬，几好，可以自制埋柠乐。另外叫左个草莓梳打，不错的说。
呀，set仲有甜品，我地拣左brownie同蓝莓芝士饼，一份有两小件，份量几好，我都钟意食brownie，呢个唔算太甜，但味道几好，蓝莓cheese cake都ok呀！
我地仲倾到差不多关门先走，特别谢谢职员们耐心招待。
张贴
