DKLM Bar & Restaurant (已結業)

星期五happy Friday 同啲朋友开开心心谂住放松下、本身订咗位，入到去话订咗位。一个男staff已经语气唔系咁好话：等阵啦。起初都冇咩野、当可能阻住佢食饭，所以佢语气差啲。落order举手举极都冇人认，忍唔住起身讲：唔该。个男staff又系好唔耐快咁讲：知架啦知架啦，等阵啦。心里面已经唔太满意。食物上度黎，野饮叫极都未上，两个女staff顾住系bar枱倾计…然后唔知佢啲staff咩事，叫咗两杯cocktail一杯mocktail ,啲staff唔止送错两次野饮，仲要送上黎都唔讲杯野叫咩。个男staff态度好差咁行黎话：你地叫咗几多杯野饮？差啲咩？啲staff送上黎冇讲杯野系咩？我就真系理直气壮咁答佢：叫咗secret garden，送两次都错，仲要冇讲名。利申会知secret garden两次都唔系原因好简单、因为第一次staff送到黎、就黎饮先好急咁话送错咗，唔好饮，直接拿走。第二次送咗杯有士多啤梨嘅野，但secret garden系冇写住有士多啤梨。总结食物味道价钱都中尚，但服务态度真系不了，呢啲餐厅一次就够。