101手工涮涮鍋 (已結業)

我同女朋友26/12晚上9:30入座，叫左个鸡煲底火锅，鸡唔多，但几滑（应该冰鲜）之后佢上左份丸类同牛肉同埋炸鱼皮、响铃，size都几巨型，牛肉质素几好，丸类部分都系自家打，炸鱼皮无油益味但硬左少少。之后追加各种丸类同菜，拉面同乌冬无黎到，但我地都太饱无再追加。样样野份量都唔少。饮品有沙冰、冰茶同珍珠奶茶，我地叫左香芋珍珠奶茶同埋朱古力珍珠奶茶，有oreo碎系上面，由于佢系任饮任食，我地仲叫多2杯杯沙冰，味道唔错。埋单2位$656，佢话9折左免左加一，但我地走左后发现收多左钱，打左番去问，佢计错左我地每位加$30食海鲜，话减番酱油钱系收多左$40，个waiter话mark低左叫我下次去拎番$40或者下次食就减番比我地。但系31/12我咁岩出尖沙咀顺便拎番$40，个waitress话系无可能无收到加一，我话系上次个waitress讲9折免左加一，其间佢又打比同事问又话唔系$40，佢就是旦计番$33比番我，都纠缠左10分钟左右，其实几十蚊唔系话好紧要，但我觉得做生意都要均真d，除左呢样野之外，整体来说都系满意，下次会再帮衬。